能够同闺蜜一齐结婚，系世上幸福嘅事；如果能够同闺蜜一齐怀孕，呢个天赐嘅福气同缘份更加难得！李亚男同闺蜜锺嘉欣就系其中一对代表！
准妈妈李亚男宣佈怀孕喜讯，处女党（Amazing Esther）一众闺蜜都非常振奋！而最开心的，一定系锺嘉欣，因为有好姊妹陪佢一齐怀孕及交流，李亚男又可向她取经，陀B之路一定更有趣。
原来李亚男在年初已经宣佈和王祖蓝努力实行造人大计，当得知锺嘉欣二度怀孕，即刻搵佢教路！
李亚男最近食得超健康。
嘉欣教亚男做返自己，注重饮食健康，放鬆心情。估唔到短短几个月就有好消息。
锺嘉欣今次已经系第二胎，有女儿Kelly的顺产经验，一定可以同亚男分享更多经历同陀B注意事项。
十月怀胎之路好漫长、孕吐、心情低落等等都会影响情绪，未经历过陀B的姊妹如岑丽香、苟云慧未必明白其心情。锺嘉欣亲历其中，又一齐大肚，绝对可以互相扶持！
李亚男、锺嘉欣两位大美人一向是甫士王，要影靓相一定难唔到佢的。好多孕妈都会影返辑大肚写真，锺嘉欣都唔例外。今次难得两人齐齐大肚，唔知会唔会齐齐影返辑呢？
喂人奶需要无比的坚持同毅力，准妈妈既要学上奶、饱受塞奶困扰，又怕胸部变形等等。锺嘉欣有喂人奶经验，李亚男大可取经。
再靓嘅女人，生完仔最怕走样。锺嘉欣生完女儿Kelly后极速修身成功，并曾自爆系靠做家务减肥。今次有闺蜜李亚男陪住一齐修身，减肥之路一定更易行，做靓妈无难度！
凑B不单是妈妈的责任！好多妈妈都大呻老公唔帮手、唔识凑，只会帮倒忙。当亚男发现老公祖蓝做爸爸唔合格，可以和嘉欣讨教或倾诉！
唔少闺蜜都会留起BB细个嘅衫仔、玩具、用品，可以转赠即将怀孕的姊妹。锺嘉欣同李亚男本身系名人，实有好多品牌赞助。不过锺嘉欣本来有架双人BB车，谂住俾Kelly同第二胎一齐坐。依家既然李亚男同时有喜，将来Kelly大个左，就可以同亚男一车两B、一齐出游晒幸福！
閱讀更多 五彩奔紛 的文章
