世
蠱惑波經新賽季推介將在近期推出，詳情請關注：15815961111（可加同號微信）
英超未開季，曼聯已風雨飄搖，領隊摩連奴以前系吸引球星加盟、留效嘅保證，依家就係趕客嘅代名詞！寸王於季前就得罪曬球會高層、球員、球迷，現時軍心渙散，其中中場大將保羅普巴離隊機會極大，早前話佢會轉投祖雲達斯，但近期巴塞勢做架樑，據西班牙《世界體育報》報道，巴塞技術總監艾比度於美國密會普巴，遊說佢新季空降魯營，做恩尼斯達接班人。
普巴上季同寸王關係極差，季中一度被貶後備，搞到表現下滑，直接令法國球迷對佢存在懷疑，唔少Fans都希望法國領隊迪甘斯放棄呢名球星，喺世界盃決賽周唔好畀佢打正選。普巴經理人於今年一月，已周圍搵富豪球會接收普巴，當中包括曼城，到今夏就傳出普巴或迴歸祖雲達斯。
但《世界體育報》爆料，原來巴塞都對普巴有興趣，球會新季缺少恩尼斯達及荷西保連奴兩名中場，極欲購入普巴維持實力。雖然摩連奴嗌曬救命，話目前球會唔齊腳難備戰新球季，希望一眾世杯腳儘早歸隊，但普巴睬佢都傻，寧願喺洛杉磯日日開Party都唔理寸王。巴塞趁呢個時間，派出技術總監艾比度到當地會見普巴，艾比度同普巴同屬法國人，大家有傾有講，據聞會談進展不俗，曼聯新球季大有機會失去普巴。
皇馬後備嫌棄泊大巴
除咗普巴想走，連皇馬後備都唔吼紅魔鬼，據《馬卡報》報道，曼聯不惜斥巨資6,000萬歐元收購皇馬後備中場高華錫，但呢位克羅地亞球星對轉會耍手擰頭，今勻曼聯堅(火羅)。今年24歲嘅高華錫，被公認為天才橫溢嘅好波之人，但加盟皇馬後中場競爭激烈，始終爭唔到正選，加盟3年以來上陣時間唔多。曼聯求才若渴，所以不惜用重金收購高華錫，不過《馬卡報》披露，高華錫雖然渴望於大球會取得更多落場時間，但卻對曼聯保守踢法不敢恭維，認為唔啱自己發展，所以已經表明唔想轉投紅魔。
先鋒體彩店 線上購彩：識別下方二維碼，加美女客服即可輕鬆線上購彩：【從即日起，凡在先鋒體彩店購買彩票，中出100元以上獎金的彩民，均可憑彩票獲取體壇先鋒世界盃紀念杯一隻】
閱讀更多 體壇先鋒 的文章
