1生果篇
菠蘿雞(Pineapple Chicken)
解釋：專佔人便宜無賴
出處：廣州波羅廟賣「波羅紙雞」，俾善信賣返屋企圖個吉利。除竹枝同紙外，
真雞毛仲會黐雞身，引申歇後語「一味靠黐」，諷刺人鐘意佔人便宜。
例子：佢次次食飯埋單都借尿遁，正一菠蘿雞。
他每次吃飯埋單的時候都說尿急，真夠無賴。
混吉(Blend Tangerine)
解釋：搞搞震無幫襯
出處：以前飯店，餐前會奉送一碗無湯料味精水，稱「吉水」，
好多無業遊民齋飲吉水唔點菜，唔畀錢拍拍屁股走人。
生意做唔成，店主指呢班人混吉。
例子：試十幾件衫都唔買，混吉！
試了十幾件衣服都不買，混賬
肉類篇
炒魷魚(Fried Squid)
解釋：被解僱
出處：以前廣東人打工，帶埋被鋪留宿，被炒卷被鋪走人，
形狀有如落鑊捲起ge魷魚，故稱炒魷魚。
例子：老闆想炒我魷魚，等我遞封辭職信先。
老闆想解僱我，我先去遞風封辭職信。
捉黃腳雞(Catch Yellow Feet Chicken)
解釋：捉姦在床
出處：公雞腳比母雞腳深黃，醒目唔易捉，不過死穴系鹹溼，
當母雞出現，公雞會飛撲上前作勢交配，呢個時候公雞無防範，
捉雞腳手到擒來。
例子：夠膽滾？捉佢黃腳雞先！
有膽去嫖？等著抓姦在床
砌生豬肉(Build Raw Pork)
解釋：做假證據屈人
出處：「生 豬」指Charge，解落案控告，粵音「差廚」，與「生豬」音近，
稱「生豬肉」都系貪順口，更加生動。「砌生豬肉」全句就係有組織明屈，
有製造不利證據意思。
例子：佢砌我生豬肉，我無做過，我係冤枉㗎法官大人 。
他陷害我，我沒有幹過，我是冤枉的法官大人。
蔬菜篇
燉冬菇(Stew Winter Mushroom)
解釋：被降職
出處：早年警員軍帽狀如冬菇，稱「冬菇帽」，便裝警員犯錯降職，
做番軍裝就要戴番冬菇帽，俗稱燉冬菇。點解「燉」？
因為「燉」同「褪」讀音近，有倒退之意。
例子：燉冬菇好過炒魷魚，起碼保住飯碗。
被降職總比別解僱好，起碼保住了飯碗
發漚豆(Issue Soak Bean)
解釋：眼光光，魂遊太虛
出處：豆芽系「發」同「漚」出o黎ge，廣東人借用農業術語，暗喻難得正果，
形容人得個諗字又乜都諗唔出。
例子：上堂唔留心聽書，淨系識得發漚豆。
上課不留心聽課就知道發呆。
拋生藕(Throw Raw Lotus Root)
解釋：女人發姣（發騷））放生電
出處：要激起性能力，男食韭，女食藕，女人生完BB會食生藕片進補。拋生藕，
指女人食得生藕多，好耐未掂過男人， 猴擒到要向男人放電。
例子：你睇，個女人著到咁性感，成個深宮怨婦咁，見到男人就拋生藕。
你看，那個女人穿的那麼性感，跟深宮怨婦一樣，看見男人就放電。
大番薯(Big Foreign Potato)
解釋：無腦遲鈍點極唔明
出處：1933年孔仲南於《廣東俗語考》有載銖刀（讀音薯刀）一字，
即唔鋒利鈍刀一把，寓意人腦筋唔靈活，人蠢稱銖，銖薯同音，
後來演變成「大番薯」呢個俗語。
例子：正一大番薯，同你講都嘥saai1氣。
真的是狗笨的，跟你說都浪費口舌
賣剩蔗(Sell Surplus Sugarcane)
解釋：年過三十單身中女
出處：賣剩蔗也不一定是品質差，只是咁啱無人識貨，揀唔中，
所以形容女人賣剩蔗，未必全部系貶義。
例子：死啦，就嚟三十歲都仲未有拖拍，我唔想做賣剩蔗呀。
慘啊，馬上30歲了，還沒有戀愛，我不想做剩女啊。
油器篇
年晚煎堆(Year Late Pan-fried Pile)
解釋：人有我有
出處：新年家家戶戶都會炸煎堆，寓意掃走一年黴氣。勸人搵老婆唔好挑剔，
會搞笑咁講：「娶老婆，年晚煎堆ja！」但求人有我有 。
例子：唔多鐘意我女友，年晚煎堆ga咋。
老油條(Old Oil Stick)
解釋：軟腍腍無火氣
出處：油炸鬼放得耐會變溼變軟，嘲笑人唔識反抗，寸佢唔嬲打佢唔避，
令人無從對付吹佢唔脹。
例子：公司d老油條，做又三十六，唔做又三十六ga啦。
蛋散(Egg Loose)
解釋：不中用ge廢柴
出處：蛋散炸到脆卜卜，入口香噴噴，但一咬即碎，碎完仲會散開三兩件，
毫不硬淨，以此揶揄無鬼用ge廢柴。
例子：你件蛋散食嘢唔做嘢，做嘢打爛嘢。
甜品篇
女人湯圓(Woman Soup Ball)
解釋：特別討女人歡心ge男人
出處：湯圓搓得圓禁得扁，比喻男人老狗對女人百般遷就，形容男人異性緣好。
例子：條仔扮曬斯文，正一女人湯圓。
豆泥(Bean Mud)
解釋：情況堪虞
出處：豆與泥同樣微小，平凡到無人會注意，兩字並用，更強調糟糕不堪。
例子：大學畢業又搵唔到工，要靠阿媽接濟，真豆泥！
看完學到了嗎，明白了嗎
閱讀更多 辛子末 的文章
