五一劳动节就到，勤勤劳劳半年又到咗劳工嘅节日。讲起劳动，唔可以唔提就系当年大跃进同人民公社年代，大家老实又勤劳。于是乎，粤语里面有句比较核突嘅话，又据说源于此。
虽然时下讲一个人老实已经好少用“担屎唔偷吃”呢句话，但系上了年纪嘅一辈仲系喜欢讲呢种类似粤语俚语。
据说呢句话有一个比较大众接受嘅解释，就系话源于大跃进同人民公社年代，因为个个都要学农学工，而当时学农好重要嘅环节就系挑粪，遮粤语“担屎”。当其时用屎作肥料，所以屎都有佢嘅唔小经济价值。甘既然值钱，“担屎”就犹如当今银行运钞甘，望住一担担屎就好似黄金咁值钱。不过当年大家境界高，既唔嫌臭更唔贪心，所以就有“担屎唔偷吃”形容为人老实。
不过屎终归系屎，和珅甘贪我相信都好难吃得落口，咪先呢个人唔系老实而系“脑实”，甘似乎呢个解释多少又有些许牵强。时日翻看古籍，据说有另外一个传言更具意思。
陈白沙，无错，就系呢家江门有个陈白沙纪念馆那位仁兄。古代士子，寒窗苦读，为咗要出山做官，造福百姓。终于比佢得到皇上赏识，去咗做官。点知当时朝廷黑暗，贪官污吏横行，民不聊生，同佢想象嘅社会完全唔同。但毕竟佢系个有能力抱负嘅人，无论隔离贪官污吏试图拉佢入靓，佢都表示拒绝。
甘环境下
为官唔贪
就真系屎都无得吃了
但陈白沙有好多朋友同学生在朝为官。目睹陈白沙经济状况，想帮下佢。当时广东都御史邓廷瓒就有意经济上资助陈白沙，于是行文地方官，要求当地官员每月送陈白沙家中大米一石，每年派2名工人帮陈白沙做野。
檄有司月致米一石
岁致人夫二名
但系呢，被陈白沙婉谢。佢书信邓廷瓒表示感谢，另一方面坚持廉洁自律，自食其力嘅原则。回复“令本县月结白米一石，拨人夫二名。不敢当，不敢当。”并作诗婉言谢绝邓廷瓒资助。
孤山鹤啄孤山月
不要诸司费俸钱
后来，传咗出去，街坊乡里都话佢廉洁老实，用“儋石唔偷吃”形容佢。“儋”系古代装谷物容器。儋受一石，故称儋石。用以计量谷物。
之后口口相传，各地口音又变化多端，北方话直头“屎”、“石”同音。于是讲讲下，“儋石唔偷吃”比人传成“担屎唔偷吃”。
虽然逻辑上未必完全合理，但系胜在够盏鬼，所以留“香”百世。
更多请关注
点击历史记录
……
城事
一座城市，是有他自己的记忆的，有大记忆，也有小记忆，也有不同年代的记忆。很多时候我们看到的，或者是轰轰烈烈或者波澜壮阔的大历史大背景大回忆，但藏于心底，更多时候是属于每个人的小记忆。希望借此讲述自己的故事，感悟生命的气息，抚摸历史的肌理，让记忆更有营养。
閱讀更多 小小是個好同志 的文章
