只可惜心軟，無從去決斷……當年演唱《男子漢》的李龍基坦言，他在《深宮計2宮心計》裡飾演的李旦，其性格跟自己一樣心軟，不如歌詞那樣寫：男兒漢意志要堅剛！
他受訪時坦言這種性格弱點，曾令他蒙受過百萬元損失，耳仔軟亦令他無法拒絕別人邀拍三級片。提到他是飾演皇帝角色的“專業戶”，他笑指各朝代有各演法，亦指自己從不侷限於皇帝角色：“唔使做皇帝，做殺人犯，我好開心！”
李龍基飾演的唐睿宗李旦在《深宮計2宮心計》中可算是一個異類，身處傲視眾人的權力頂峰，卻比所有人來得仁慈。
面對胞妹太平公主（陳煒飾）的驕奢淫逸，他選擇隻眼開隻眼閉；面對淑太妃（韓馬利飾）的陰險毒辣，他去到週一晚（2/7）播出的第31集，才萬不得已用匕首殺死撲向自己的對方，用手推開韓馬利一刻，仍然希望愛妃放下執著。
李旦以感情行先，縱容太平公主（陳煒飾）在前堂後宮中橫行，其實劇中和現實是一面鏡。
1,300年前的李旦，映照出2018年的李龍基，兩個人同樣重感情，他細細聲的說出想法：“李旦重感情多過理智，有啲人好重感情好少理智，有啲人好重理智好少感情，我都系屬於少理智嘅人。”
曾經在歌壇風光一時的他坦言，自己因為缺乏理智思量，做過不少錯誤決定。
李龍基承認年少得志搵錢搵錢太多，最高峰時月入24萬，曾擁有4個單位、5部車，可惜理財不善，引致他在80年代一鋪清袋。
“由細到大，啲大人都同我講一定做生意，你賣鹹脆花生都好，如果唔系就冇得發達。”
他當時認為舞臺上唱歌不可以做過世，搞生意至可以長賺長有，先後經營彩色沖印、卡拉OK、歌廳酒廊和海鮮酒家等，當中以搞兩間酒廊蝕得最甘。
“但系做咩揩咩，所以而家好清楚瞭解自己唔系做生意嘅人，實在太心軟，譬如下屬有咩做錯，就話下次唔好喇。但真真正正做生意系冇得講感情，唔系佢死就你死。”
不過李龍基慶幸和感謝無線早在80年代時已經向他伸出援手，他坦言已故金牌監製的蕭笙，見到他為自己在麗的監製《浣花洗劍錄》（1978）拍攝的主題曲唱片封面造型，覺得甚有味道，後來蕭笙叔過檔無線後，便找他客串劉德華版《神鵰俠侶》（1983）。
其實早於1981年他已獲無線高層馮吉隆（馮寶寶兄長）邀請，以歌手身份加盟，後來順理成章拍劇去也。
“蕭笙叔可能仲記住我呢個樣，就搵咗我客串下王重陽，去到1985年拍《鍾無豔》（梁家樹監製），先叫做真真正正咁拍嘢，一開始就做皇帝（宣王），但系呢個齊宣王啱喎，啱我喎，因為傻乎乎咁樣，齊宣王真系傻乎乎。”
李龍基除了演過《鍾無豔》齊宣王，他亦演過《楊家將》（1985）宋太宗、《西遊記》（1996）玉帝、《聊齋（貳）》（1998）皇帝、《尋秦記》（2001）莊襄王等君王角色，加上現在的《宮心計2深宮計》，確實可算是扮皇帝的專業戶。
他笑指除了清代的皇帝，其他朝代的皇帝都有點昏昏庸庸。
“拍完《鍾無豔》後，我發現皇帝呢種角色真繫有佢嘅獨特之處，之後公司就欽點咗我做《楊家將》嘅皇帝。”
談到當年掌舵無線的邵逸夫，1985年曾下令監製李添勝一個月內完成整套《楊家將》（李添勝曾透露拍此劇期間飲雞精飲到便秘），更出動全臺當家小生、花旦硬撼亞視舉辦首屆亞洲小姐。
李龍基直言自己都感受到那份壓力，因為他要演得比自己更加強大。
“周潤發、梁朝偉、苗僑偉、戚美珍粒粒巨星，如果演得自己好卑微，就弊傢伙唔似皇帝喇，所以點都要頂住。我記得有一場戲好犀利，60幾個演員，個個企喺彙報畀皇帝聽，得一個坐喺度，就係李龍基。”
閱讀更多 追尋娛樂點滴 的文章
