曾與黃心穎合作拍節目的黎諾懿，亦有留意拍檔的動向，昨日受訪時得知她正靜待「重生」機會，亦大表支持，贊她是一個有才華的女生：「無論發生咩事都好，一個女仔，應該畀機會佢嘅，而且都過咗一段時間，心穎應該有佢嘅諗法。（對佢有咩印象？）佢喺我心目中系一個好好嘅演員，無論唱歌、演戲都好出色，如果佢復出需要我哋幫忙，一定全力支持！」
原來心穎返港後，黎諾懿曾與她聯絡，對談間覺得她心態正面：「佢幾好，心態都OK！」作為同行，不少藝人受疫情影響冇工開，他笑言只好放鬆心情等開工：「好似我咁，趁呢段時間遠足嚇，令心情輕鬆啲，等到有工開就可以全情投入！」
分享到:
