想睇《乜代宗師》
well
可樂君都有同大家瞭解一下
發現今次擔正女主角嘅心悠BB
為咗拍戲超搏命!!!
嗱
眾所周知
心悠BB一向都係斯斯文文嘅
對佢嘅印象
都係溫柔啊小鳥依人咁樣
but
佢今次喺《乜代宗師》
要演一個打女
望落都幾惡咁wor
同溫柔大姐姐嘅形象差好遠啊
心悠本身對拳術冇咩認識
為咗拍戲從零去學
用幾個月時間變身打女
為咗演好呢個角色
心悠BB要進行地獄式訓練
本身比較瘦嘅心悠BB
為咗增磅要飲protein shake
之後有一段時間
佢打開衣櫃
發覺D衫都著唔落
增重咗十多磅
暴脹兩個碼
脹到咩程度?
據悉佢被誤會係孕後坐月
試過喺影相嘅時候
攝影師叫佢用手遮住大髀
當時成個人脹咗都有唔開心
佢就儘量唔照鏡
過後佢嘅諗法都有所轉變
覺得靚嘅定義有好多種
話要學習欣賞唔同種類嘅人
增磅之後操練都相當搏命
試過做到肌肉顫抖
眼淚都流咗出嚟
流淚唔係因為傷心
係因為冇曬力氣而“流眼汗”
身體話俾佢知
佢已經承受唔到
另外
地獄式嘅操練
心悠身體有好多乳酸堆積
需做做按摩
又要浸鹽水浴消炎
咁辛苦嘅訓練佢都冇放棄
心悠BB堅毅嘅精神
可樂君一定要俾個like佢!
而家齋睇個背脊
都覺得佢個body硬淨咗好多
網友都佩服佢嘅毅力
贊佢好用心塑造呢個角色
不知不覺
心悠BB其實已經入行15年
今次喺《乜代宗師》嘅角色
可以話係佢從影以來
最有挑戰嘅
而講到心悠BB最具代表角色
就要數到2011年
《步步驚心》嘅若蘭
當時主演劇集嘅
係劉詩詩、吳奇隆、鄭嘉穎
不過心悠就憑若蘭一角
成功令觀眾留下深刻印象
時至今日大家仲記得噶
2014年《步步驚情》
依然係劉詩詩、吳奇隆主演
心悠同樣都有出演
近年都有拍過
TVB同一D港產片
《天生愛情狂》《深宮計》
《守護神之保險調查》
雖然俾佢擔正
但係似乎冇咩水花?
然後就係
仲有D佢做配角嘅電影
well
今次《乜代宗師》再次擔正
角色又咁有突破
希望可以成為心悠BB
新一個代表角色啦!
大家對心悠BB有咩印象?
最記得佢邊個角色?
覺得佢做戲又O唔OK呢?
閱讀更多 大強嘆世界 的文章