雞公仔，尾彎彎，做人新婦甚艱難。早早起身都話晏，眼淚唔幹入下間。下間有個冬瓜仔，問過安人煮定蒸。安人話煮，老爺又話蒸，蒸蒸煮煮唔鐘意。大喳嚹鹽佢話淡，手甲挑鹽又話鹹。三朝打爛三條夾木棍，重話：咁好花裙畀妳跪到爛，咁好石頭畀妳跪到崩。橫又難，直又難，不如捨命落陰間。人話陰間條路好，我話陰間條路好艱難。
老廣東
落雨大： 落雨大，水浸街，阿哥擔柴上街賣，阿嫂出街著花鞋，花鞋花襪花腰帶，珍珠蝴蝶兩邊排。
賣懶：賣懶，賣懶，賣到年卅晚，人懶我唔懶。
賴尿蝦：賴尿蝦，炒冬瓜，炒吾熟賴阿媽。
曖姑乖，嫁后街，后街有鮮魚鮮肉賣，又有鮮花戴，戴吾曬，擺落床頭卑老鼠拉，拉拉拉，拉去大新街，大新街又有個扯皮鞋，扯下開，又扯下埋。
凼凼轉，菊花圓，炒米餅，糯米糰。亞媽叫我睇龍船，我唔睇，睇雞仔，雞仔大，拎去賣。賣得幾多錢？賣得三百六十五個仙，得來買膏又買鹽。
月光光： 月光光，照地堂；年三晚，吃賓榔，檳榔香，摘紫薑，紫薑辣，買茶辣，茶辣苦，買豬股，豬股肥，買牛皮，牛皮厚，買蓮藕，蓮藕長，買農場，農場好。。。。大家好！！！！！
月光光，照地堂，蝦崽你乖乖睡落床，天朝阿媽要捕魚蝦羅，阿爺看牛要上山坡，哦哦哦......，阿崽你快高長大羅幫手阿爺去看牛羊，哦哦哦......，月光光，照地堂，蝦崽你乖乖睡落床，聽朝阿媽要捕魚蝦羅！阿嫲織網要織到天光，哦哦哦......，蝦崽你快高長大羅 “橙”艇“殺”網就更在行，哦哦哦......
蘿蔔頭：蘿蔔頭，點豉油，點得多，鹹過頭，點得少，淡謀謀。佢以為，好正鬥，點不知，俾人踢羅柚，一踢踢到西門口。
老廣東
月光光： 月光光，照地堂，年卅晚，摘檳榔，檳榔香，摘子姜，子薑辣，買（胡辣、菩達、蘿蔔），（胡辣、菩達、蘿蔔）苦，買豬肚， 豬肚肥，買牛皮，牛皮薄，買菱角，菱角尖，買馬鞭，馬鞭長，起屋樑，屋樑高，買張刀，刀切菜，買籮蓋，籮蓋圓，買只船，船無底，浸死兩個番鬼仔，一個蒲頭，一個沉底，一個摸慈菇，一個摸馬蹄。
咬蔗須： 咬蔗須，要睇毛，短毛輸，長毛贏，無毛吾算數。
鬥柑： “篾”開柑，數柑核，邊個核多就邊個贏，吾準手賴就甘縮骨。
拍大骳： 拍大骳，唱山歌，人人話我無老婆，嘀起心肝娶返個，有錢娶個嬌嬌女，無錢娶個豆皮婆，豆皮婆，食飯食得多，屙屎屙兩籮，屙尿衝大海，屙屁 打銅鑼。
猜呈沉： 呈沉剪，呈沉包，呈沉糯米叉燒包。老鼠吾食香口膠，要食豆沙包。
伏壘壘： 一就預備，二就壘埋，三就開盤，四就嚟到，彭到算數。
捉大賊： 點指兵兵，點指賊賊，點著誰人做大兵，點著誰人做大賊。
估手指： 估手指，要估中，邊個吾中，就唔中用，褲浪底見個窿。
點蟲蟲： 點蟲蟲，蟲蟲飛，飛到荔枝基，荔枝熟，摘滿屋，屋滿紅，陪住個細蚊公。
騎牛牛： 騎牛牛，牛牛走，牛牛響前咪回頭，若然回頭就打籮柚。
打波子： 大眼雞，鹹魚頭，你屙尿，吾洗手。
咕碌咕碌： 咕碌咕碌一，咕碌咕碌二，咕碌咕碌三，準備開炮打敵人！
跳橡筋： 董存瑞，十八歲，為國犧牲炸堡壘，炸到堡壘咯咯脆，全國人民流眼淚。
碌銅仙： 碌銅仙，打銅錢，全憑眼界手出變，叮響銅錢俾個仙。
打泥炮： 打泥炮，泥炮響，唔使揸槍上戰場。
飛麻鷹： 摺紙機，麻鷹飛，飛來飛去唔落地，麻鷹有條尾。
踩腳趾： 咚啄，酸姜，你阿嬤，纏腳娘。 趿跛跛： 趿跛跛，跳跳腳，咚咚咚，上跳下跳似麻雀。
撞跛腳： 趿跛跛，跛佐蹄，無米煮，煮泥沙，無屋住，住樓梯，樓梯有隻鬼，嚇到你鑽落床下底。
頂手掌： 伸長手，頂手掌，死人都要頂硬上，依牙崩哨就貓甘樣。
劈友： 劈友，劈友，快嘀走，走得快，好世界，走得磨，冇鼻哥。
鬥遠： 鬥遠掟石頭，因住咪甩手，石頭最無眼，掟親吾好眼淚流。
掟磚頭： 掟磚頭，斗大夠，一掟掟到西門口，濺起浪花拋浪頭。
撈魚仔： 花手巾，真引人，基邊撈魚好過癮，一兜一條好手運，千其吾好牟（蹲）到你頭暈。
黐塘尾（蜻蜓） 黐塘尾，塘尾飛，飛到菜田基，田基有條蛇，嚇親你兩仔爺。
老廣東
煮飯仔： 煮飯仔仔先落米，風爐透火柴對齊，千其唔好咁拿西，我哋系細蚊仔。
打馬仔： 一人騎角馬，兩人騎豬乸，三步要埋頭，撞到面就打。
鬥辣椒： 紅辣椒，綠辣椒，平時你鑔嘴藐藐，今日你無膽同我撩。
放臭屁： 鬼叫你甘貪心，聞佐我個屁，索入佐個鼻，我要你賠返二兩四。
味水底： 味水底，摸泥沙，摸到泥沙當金龜，摸吾到系契弟。
鑽臺底： 陳德貴，住得矮，床下底有隻鬼，嚇到佢鑽臺底。
扯大纜： 一二三，三二一，肥婆跳舞頂第一！
“雪”滑梯： 細蚊仔，雪滑梯，因住跌落嚟，咪學陳德貴，成日流鼻涕， 跌親個籮柚唔好睇。
過天梯： 過天梯，蝦矮仔，人在雲東過到西，唔怕米貴就最怕矮。
做大戲： 黑麵李逵，紅面關公，三國水滸亂曬龍，打敗清兵系英雄。
彈象棋： 打棋子，靠眼屎，全憑眼界靠本事，唔好睇錯認夠屎。
畫烏龜： 乞兒仔，畫烏龜，一人一筆咪亂嚟，最後果個人衰仔！
人之初，狗蝨多，狗蝨唔咬我，專咬先生兩公婆。
肥佬肥騰騰，買舊豬肉去拜神，行到半路屎弗痕，返到屋企沒曬人，打開個痰盥有敵人，肥佬只好做難民！
肥藤藤，腳震震，買舊豬肉去拜神、行到半路PagPag痕，去到神廟四圍藤，返到屋企口痕痕，食完豬肉變瘟神。
肥佬肥藤藤，買舊豬肉去拜神，行到半路屎忽痕，翻到屋企冇曬人，打開痰罐有敵人！
四眼哨牙突下巴，屎忽嬲嬲下，哨牙可以刨西瓜，落雨可以遮下巴，飲茶可以隔茶渣，劈友可以擋番下。
排排坐，吃果果，貓衣擔凳比姑婆坐，坐爛個屎忽，唔好賴我，賴番隔離個二叔婆
閱讀更多 歷史圖策 的文章
