82年張鑫炎導演慨《少林寺》發掘出一代武打巨星李連杰，香港票房達到1,615萬元，喺依家當然唔算系乜，但睇番香港觀看人次超過100萬，就知當時有幾犀利，聲勢仲贏埋當時進軍荷李活失利慨成龍，重返香港影壇同期上映慨作品《龍少爺》。84年張導再拍《少林小子》，承上集餘勢大收2,228萬元。
影片總顧問由當年導演張鑫炎負責，總監製同編劇由吳思遠擔任，吳思遠喺會上話：「一定要培養出下一個成龍。」河南嵩山少林寺方丈釋永信任總策劃。
呢次銀都仲會將82版慨《少林寺》原片送往意大利進行4K修復，現場播出一段3分鐘慨4K修復版原片。
吳思遠話當年用17歲慨李連杰主演，就係因為渠功夫好，所以今次選角慨其中一項標準都系武功，其次就係要年輕，第三先就係要畀人感覺正氣同人品好。當年慨《少》片風行世界，所以現場展示出唔同地區慨海報，包括非洲埃塞俄比亞、日本、波蘭同泰國，當中波蘭款同其餘慨創意最大，用李連杰大頭作賣點。
分享到:
閱讀更多 菜喳 的文章
