艺人佘诗曼（阿佘）现身代言活动，她透露由12月开始收炉，一直到新年后才开工：“期间去咗几个旅行，去咗日本、泰国同台湾。（喺泰国有冇影泳衣相？）冇，平时都影好多相，所以放假想休息。（同边个去？）女仔朋友。（冇男仔？）我都想，希望尽快。（喺内地拍剧冇合适对象？）都系合作对手。（冇心仪对象？）暂时未有。”
至于新年期间，她笑言不准去玩：“我要陪妈咪，其实我计划带埋妈咪一齐出去玩，但佢未知。新年都会陪佢拜年同帮手整萝卜糕，因为佢好好客，每年要整十几廿个萝卜糕，（你带多个人去帮吓妈咪？）佢已经有三个工人姐姐。（带个女婿去？）识整就好，唔识仲烦。”
搭飞机会戴口罩
阿佘透露农历年后便要到内地开工，但暂时没有工作要到武汉，对于当地爆发怀疑沙士疫情，阿佘希望尽快无事，问她到内地工作有甚么防预措施？她谓：“我哋开工化晒妆好难戴口罩，搭飞机就会戴，最重要都系自己强壮啲，增加抵抗力，食多啲维他命同休息多啲。”
对于被称为《延禧攻略》外传的剧集《金枝玉叶》已经播出，阿佘表示仍未观看，问她会否想《延》剧的原班人马再合作？她坦言：“我未有呢方面消息，如果系就最好，因为大家系好朋友，合作有默契，而且都有保持联络。”
另外，提到好友梁靖琪近日诞下儿子，阿畲称仍未有机会探望BB：“因为BB啱啱照完灯同出院，我呢两日会去探佢，我睇咗啲相，BB好得意，好似父母咁眼大大。（会做契妈？）唔知。（送乜礼物？）都系衫仔。依家啲BB衫好得意，买极都买唔完。”
分享到:
