大家仲記唔記得幾年前,
阿佔過世嘅時候?
大家覺得係一個時代嘅終結。
無論大人細路,
都好中意佢哋!!!!
咁cute又醒!!!
阿笨同阿佔呢兩件
大家肯定記得佢哋,
而入邊會出現嘅一位老伯伯,
大家有冇印象???
喺呢度補充下,
《阿笨與阿佔》係
長壽節目《志村動物園》嘅一個環節,
入邊會出現嘅呢位,
阿笨老豆/契爺嘅人物,
就係《志村動物園》嘅主持
志村健本人。
《志村動物園》係由
佢同嵐嘅相葉雅紀拍檔主持,
呢個節目好好睇,
喺日本都好受歡迎!!!
而志村健老伯伯,
最近傳出不幸嘅消息。
佢今個月中旬感到不適,
有發燒同呼吸困難等症狀,
入院後確診感染新冠肺炎,
連日來情況不斷惡化。
最終,喺尋晚離開咗人世,
享年70歲。
因為有《阿笨與阿佔》,
所以我哋知道《志村動物園》好睇,
其實,
志村健喺日本地位好高,
被後輩藝人稱為
“日本喜劇之王”。
除咗呢個節目,
佢入行48年來,
炮製過好多當紅節目,
有《八點!全員集合》同
《志村大爆笑》等人氣節目,
佢啲節目咁高人氣嘅原因,
就係靠佢出色搞笑力。
佢最知名嘅搞笑角色
有“怪叔叔”同“笨蛋殿下”,
有好多鹹鹹溼溼嘅劇情,
鹹gag你都知,
通常都好爆笑噶!
(福祿壽當年都係咁啦)
佢生前嘅感情史都非常豐富,
同過好多合作嘅女藝人、主播傳緋聞,
不過佢終身未娶。
佢原定喺7月14號擔任
家鄉東京東村山市嘅奧運傳火炬聖手,
因為呢件事,
佢公開表示過好開心好光榮,
宜家奧運延期,
佢最後都係無法實現……
有睇佢節目嘅仁兄/妹,
應該都好感觸。
對好多ga妹ga仔來講,
佢嘅搞笑角色同表演係陪住佢哋長大,
假如你唔熟悉佢嘅話,
你可以代入下,
當時叮噹嘅經典配音林保全離世,
個陣嘅感覺。
每一日都有人出生,有人死去,
我哋可以做嘅,
就係忠於自己,
活好每一天!!!!!
*文中圖片如涉及侵權請聯繫,立即刪除
羊城晚報報業集團旗下優秀生活類媒體可樂生活Color,度身打造專屬廣州人的吃喝玩樂指南,潮流風向標資訊。
官方唯一商務合作QQ:19021820609
閱讀更多 可樂生活color 的文章