唔声唔声，
连敖嘉年都离巢了。
佢今年1月正式离开
服务咗24年嘅TVB。
TVB拣人拍剧，
演员气质同角色通常会好match，
敖嘉年一开始嘅时候，
简直係正气角色嘅代表啦！！！
睇睇佢第一部戏，
係《封神榜》，
佢扮演李木吒，
係个种担屎唔偷食嘅正直人，
戏中佢个人腰板坐得好直，
加上佢面型线条分明，
令观众觉得：佢值得信赖。
佢得到第一个拍剧机会，
係曾励珍鼓励佢，
拍剧之前佢係一位电台DJ，
完全冇经验之下要接戏，
连剧本都未识睇，
佢话：“我一打开，咁多字！有啲三角形係解释你当时嘅情绪，我就问导演呢啲三角形我係咪都要读埋，成班人喺到笑！”
开始拍戏之后，
佢演咗好几年配角、闲角同二打六，
有佢份嘅剧，都OK红，
多人睇，好评度高，
观众亦对佢渐渐熟悉。
《卫斯理》啦，
《楚汉骄雄》
《胭脂水粉》啦，
《律政新人王》啦，
《野蛮奶奶大战戈师奶》啦，
咁样一数，就差唔多10年。
从闲角演到配角，
当然係演技进步嘅体现。
卒之，
来到09年嘅《巾帼枭雄》，
佢做到第四男主角。
套剧好睇，卡司强劲，
敖嘉年做到反派
败家仔蒋必文，
仲凭借呢个角色，
摞到“飞跃进步男艺员”！！！
演技得到观众同高层嘅肯定！！
接下来，
佢喺《碧血盐枭》嘅角色
观众顺住势头like。
然后就到佢最红嘅角色，
《巾帼枭雄之义海豪情》中饰演嘅
命运悲惨、单纯善良嘅“排骨仔”。
哇，
当年睇，真系受到好大震撼，
佢呢个时期，
真好激瘦！！！！！！！
角色收获到好多好评，
但估唔到嘅係，
原来拍呢出戏令佢
每日都陷入负面情绪，
搞到抑郁。
做TVB艺人肯定辛苦，
佢要去到喊出来，
先释放到压力：
“我曾经试过拍剧压力大到每晚返到屋企冲凉都要喊，将嗰种情绪纾发出嚟，咁先瞓得着，好辛苦㗎！”
敖嘉年係TVB嘅生涯
告一段落，
咁之后佢要做咩？？？？？
佢喺TVB尚有2部未播剧，
16年佢同圈外女友拉埋天窗，
一齐开咗广告公司。
同年佢有拍
电影《盗墓笔记》，
未来可以发展下内地市场。
今年佢有录到北京嘅新年节目。
去年嘅《叶问4》
佢都有轻微亮相。
咁样睇翻，其实都几唏嘘。
喺TVB嘅年代，
佢冇咩机会做男一，
演技佢有嘅，就差机会。
期待下佢有男一演出嘅剧集或电影啦！！！
剧照
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方唯一商务合作QQ：19021820609
閱讀更多 可樂生活color 的文章
