由ViuTV轉戰TVB，攻入《美女廚房》做美女學徒！
睇落真繫好似學生！
喺解決師都系做學生妹！
TVB同ViuTV新女最近喜歡互換東家，現年25歲嘅郭思系模特兒出身，拍過唔少廣告，之後加入ViuTV做主持，後轉戰TVB，攻入《美女廚房》做美女學徒，長得一副童顏加梳住招牌齊蔭嘅佢笑容甜美，備受注目，仲獲睇中出演《解決師》，雖然又系做學生妹，但唔少網民都大讚佢做學生妹完全冇違和感，仲同丁子朗有唔少對手戲添！
私下嘅佢經常喺社交網曬靚相，無論咩角度都好似日本妹咁，仲有著和服嘅相，真繫好kawaii呢！雖然好少女，但原來佢都會睇足球，早前仲飛到巴塞隆拿睇美斯，夠曬Girlfriendable！而佢又好有愛心，養咗兩隻小鸚鵡，仲會“遛雀”，成個Package都咁掂，難怪有唔少宅男粉絲啦！
“民選港姐”吳海昕過檔ViuTV
郭思就由ViuTV過檔TVB，而最近備受關注嘅“前港姐”吳海昕（Sofiee）就調轉走咗入ViuTV，喺穿越劇《二月廿九》做埋女主角，演出獲網民大讚！
今次喺ViuTV劇集《二月廿九》成功響朵！
2014年參選港姐嘅佢，曾被指整過容，但無損網民對佢嘅愛戴，雖然最終大熱倒灶，但獲封“民選港姐”！未有喺無綫拍過劇嘅佢勇闖影壇後，2017年就開始拍ViuTV劇，嚟到今次套《二月廿九》終於聲名大噪，成功入屋踏上上位之路！
大曬蜜桃臀
現年30歲嘅佢人前睇落保守，私下都有開放一面，喺網上大曬三點式泳照，又不時分享運動成果，騷出小蠻腰同腹肌，仲對鏡自拍蜜桃臀，搞到一班絲打巴打流曬口水！
佢仲好大膽，今年新年背住腳傷一個人走去緬甸，佢話：“由於太討厭新年，所以隨便上網買了張機票⋯”說走說走，型到咁網民都話佢好勇呀！
分享到:
閱讀更多 娛樂三國 的文章
