艺人罗仲谦与宣萱在儿童乐园为TVB新剧《陀枪师姐2020》（暂名）开工，两人曾合作剧集《飞虎》，今次再结剧缘，默契十足。阿谦日前报喜宣布老婆杨怡佗鼠B，心情靓爆的他未埋位时与拍档交流凑B经，宣萱笑说：“虽然我未结婚，但身边好多朋友结咗，所以好多意见㗎！我仲叫阿谦生多个，可以陪伴。”
开工期间，二人童心未泯四处找玩意，宣萱指儿时多数用零用钱扭蛋及买零食，甚少机会到儿童乐园，并对着身旁的阿谦说：“第时你一定会带小朋友嚟，佢哋唔走你都冇办法！”
阿谦直指乐园是高消费娱乐场所，当年拍拖曾夹公仔凼女仔，问可有在太太杨怡身上出动这招？他说：“冇喎！（第时准备带仔女嚟玩？）冇所谓，自己都长唔大，可能我仲开心过佢！（嚟呢度玩要好多钱！）到时先算，有同阿怡讲过，第时要教小朋友钱嘅定义，要珍惜。”
问有孕在身的杨怡身体状况如何？阿谦透露太太多留在家中行跑步机当运动，暂时没有害喜情况，只是胃口大增：“佢成日话自己肥咗，我又唔觉。（脾气有冇变？）冇乜，不过我不嬲就佢，做下靶位多，呢样好正常，就算佢有咗BB都冇分别。”
此外，谈到新冠肺炎肆虐，影响各行各业，影视圈是重灾区，宣萱透露电影《寻秦记》及《G风暴》仍有少许戏分未完成，现时无了期延迟，未知何时复工。
对于老板古天乐近日豪捐130万个口罩给有需要人士，她大赞古仔有善心：“好好，我有需要都想问佢门路买口罩。佢会讲啲说话令大家安心啲，同心抗疫。”
分享到:
閱讀更多 灣仔如初見 的文章
