鄭中基紅館開show
同方力申、梁漢文再度合體！
一合體實係講返《美女廚房》D嘢
「有冇掛住我哋先？
掛住我哋定係掛住嗰D
坑渠水味嗰D意粉啊？」
方力申：
「定係你哋最鐘意嗰D屎味魚蛋？」
鄭中基回憶起節目
就話大家十年冇睇過
梁漢文反駁話：
「你都癲癲哋噶，最近有做噶。」
點知方力申就聲大大咁話：
「嗰個假噶。」
以前就話D奶假，
而家就話佢個節目假。」
鄭中基問大家
係咪好想睇佢哋做一輯新嘅？
觀眾嘅反應都非常熱烈
然後佢哋開始討論新搞咩新節目
鄭中基提議：「美男廚房。」
方力申話《美女廚房》咪幾好lor
但鄭中基表示
佢同梁漢文都有家室：
「唔可以亂食嘢。」
方力申：
「你哋就個個上曬岸升曬呢，
又做老竇啦又做老公啦，
咁我升咩？係Single啊......
想當年我唔係single嘅時候
就安分守己，
今日我single了，就食自己！」
鄭中基聽完就話方力申：
「如果你想快D溝到女嘅話，
直接去投胎。」
臺下觀眾一路聽
一路爆笑
方力申：「好耐冇搞啦，
真係好想搞，搞返個節目。」
然後三個都異口同聲話
搞咯，搞，搞咯
方力申就話返TVB傾下先
鄭中基就話：
「唔一定要TVB，而家有VIU TV。」
網民都好贊成搞新節目
仲話記得帶埋周師傅
梁漢文就話而家新一年
唔應該諗搞個節目
應該搞個臺出嚟
播曬佢哋D歌佢哋D戲
臺名叫「T VIU B」
well
總之佢哋出場
好似變咗 talk show咁
不斷搞gag
氹到現場觀眾都好開心
佢哋三個一齊真係超多笑料
你哋想唔想睇
佢哋合體搞節目呢？
分享到:
閱讀更多 可樂生活color 的文章
