呢個系我地一次任性噶決定。
落班時候話走就走，帶埋通行證同身份證，連和諧號都無提前買就出發去香港，只系因為“突然想去”。
越系隨意反而越有新意，
想講一下喺太子街上遇到一間店。
因為呢間店，愛上咗一樣叫“港式火鍋”噶野。
1
毫無目的先會遇到“意外驚喜”
毫無目的來到太子已經接近十點，好多鋪頭已經陸陸續續收市，唯獨見到哩度仲有新客入去，問一下門口個阿姐，知道開到凌晨3點，決定食飽先講。
雖然已經十點有多，依然仲見到好多香港本地人陸陸續續坐低。位置唔大，不過香港其中一大特色，應該就係呢種人逼人噶市井氣吧。
2
第一次打邊爐
居然要刺身行先
剛剛入來坐低覺得好神奇，幾乎每張檯面都有盤刺身，於是想問下個阿姐系唔系可以點刺身，可能見我地唔熟，有個阿叔好熱情咁同我地介紹。
估應該系老闆，距話叫距明叔就得了。雖然行頭好樸素，但是聽我地話東莞過來，直接坐低同我地介紹，距話香港大概八九年前興起刺身火鍋，打邊爐前刺身就係“前菜”。
象拔蚌刺身系明叔推薦，經過同行小夥伴投票，一致評為“是夜最佳”，淡淡地海水味，不過很鮮甜。明叔好自豪咁介紹，話距噶象拔蚌唔會落水浸，所以唔會影響蚌本身噶口感味道。
食刺身上癮，加咗牡丹蝦同黑池魚。深深覺得下次要再叫多幾個人來先的，盤盤刺身都好大，我地8個人，刺身已經食飽8成，相機內存大概已經拍咗1G。
明叔話有時季節唔同，會有唔同噶靚貨，最好先去門口海鮮池望一下，問下樓面阿姐，就知道得一清二楚。
3
香港人打邊爐
都有一套自己噶順序
先選鍋底：用老火靚湯做鍋底
本身睇咗菜單，覺得沙爹湯最特別，點知明叔話清湯先最正。膽粗粗覺得食量夠大，點了蘿蔔清湯牛坑腩同航天翅群鍋。
港式火鍋底其實就係一煲老火靚湯，一煲湯底上來，滿滿都系湯料，人少噶話，吃完湯料已經飽咗3成。
另外一個私心推薦湯底，因為牛腩食得多，但系牛坑腩其實好少，如果人多，一定要點兩個唔同噶湯底，咁先夠過癮。
湯底用少有噶牛坑腩部位，湯味好清，基本唔會蓋過食材本身噶鮮味。記得煲滾先飲碗湯。
必點牛肉：牛肉先行，豬內臟必食
香港人吃火鍋，牛肉必須行先，飲完湯底，之後必定先淥一盤牛肉。至於邊個部位，中意就得，無所謂部位同價錢。
除咗牛肉，發現菜單上面有好多豬內臟，粉腸、豬肺，連黃沙豬潤都有。最討歡心噶一定系豬潤，手快有，夜點可能就賣曬。
記得唔好錯過粉腸，聽明叔講，處理粉腸要先打結汆熟幾成，先可以上臺，每一條都唔會有味，內臟全部都處理得好企理。
香港系一個融合好多地方元素噶地方，都體驗喺飲食文化上面。單單系一間火鍋，居然有日料、中菜同一部分結合東南亞風味噶菜品。
既然一直開到凌晨3點，直接放開肚皮食。好似外面噶人一樣，食火鍋一定要人多先有氣氛，吵吵鬧鬧，來去夾菜，先用蒸汽一樣熱熱鬧鬧。
4
呢度最深記憶噶除了刺身配火鍋
仲有搭臺老闆明叔噶經典語錄
多得明叔教路，先知點樣點菜。明叔一路介紹自己噶菜式，一路去講自己噶經歷。有一句好感動，問到明叔，會唔會好多菜處理好麻煩，
距話：“食嘢唔麻煩，如果用麻煩兩個字，就唔夠誠意啦。”
每次來香港都會感受到每個人對生存同理想拼搏嗰種力量，距地做事麻利，積極向上。可能多文化融合背景下每個人對生活都有唔同見解，不過一樣噶系，每個人都好認真對待自己噶生活。
最後想講：
第一次見識咗“刺身海鮮火鍋”
有時候做盲頭烏英都有好處
盲中中但系發現一間好正噶火鍋店
其實香港真繫好多好野食，融合好多風格噶美食
真系俾到人好多驚喜同新鮮體驗
本次探店座標：來發館
地址：香港旺角太子道西大南街40-42號
電話： 2780-9198（哩個系店鋪座機）、6398-6398（哩個系明叔私人香港電話來gar~噓~）
營業時間： 17:00～次日凌晨3:00
人均：￥120---￥500
最近地鐵站：太子站C2出口，步行大概2-3分鐘
P.S.其實打邊爐可平可貴，菜單選擇好多，刺身同海鮮都有唔同品種唔同價錢，豐儉由人啦~不過都系嗰句，象拔蚌真繫好好食~哈哈
閱讀更多 東莞美食大搜羅 的文章
