而家韓劇盛行，唔少地方嘅電視臺都爭住翻拍。不過喺香港蕭定一旗下公司就一於好少理，趁著日本經典劇集《同一屋簷下》播出25週年紀念，就宣佈會拍攝22集嘅港版《同》劇，預計秋天開拍。
呢套講述兄弟姊妹情嘅劇集，焦點當然落喺柏木六兄弟姊妹身上啦！日本版大哥「達也」由江口洋介飾演、跟住順序系二佬「雅也」福山雅治、三妹「小雪」酒井法子、四佬「和也」石田壹成、五妹「小梅」大路惠美，細細佬「文也」由山本耕史飾演。而香港版卡士當然唔可以太差啦！據知張智霖將會飾演「達也」、周柏豪做「雅也」、連詩雅就做「小雪」、張建聲系「和也」、「小梅」系鄧月萍、「文也」就會系蔡翰億（BabyJohn），而胡杏兒亦有機會演張智霖嘅未婚妻，周秀娜飾演內田有紀角色。
不過話曬都過咗25年，時代都變遷得好快，而家佢哋可能會用iphone用apps溝通，環境亦同日本爭好遠。唔知劇集拍咗出嚟個效果可唔可以勾起到大家對呢套劇集嘅集體回憶呢？
分享到:
閱讀更多 八卦姨 的文章
