阿嬌呻朋友自私拒祝福結婚：個心好難受
鍾欣潼（阿嬌）上月26日在美國與臺灣籍醫生賴弘國，舉行浪漫感人的婚前派對，與親友分享喜悅，並計劃今年12月在港擺酒。結婚原是開心事，阿嬌今日卻在社交平臺大呻：「看到一個我好尊重嘅朋友覺得我冇需要佢，我個心好難受，點解唔可以放低無謂嘅情緒好好地祝福呢，唉....」她更上載電影截圖，相中的字幕是「因為你只考慮自己不考慮別人」，睇見阿嬌傷心，認真慘慘豬。
網民見此情形，都留言安慰阿嬌，提議她與友人要好好溝通，更有人猜測令阿嬌傷心的朋友是否楊丞琳，阿嬌即回應：「當然不是」。其實楊丞琳已在社交平臺公開恭喜過好友阿嬌，更講明不去美國婚前派對是因為被邀請參加另一場婚宴，似乎阿嬌邀她出席香港或臺灣的喜宴。
溼氣太重！36G崔碧珈裸背大曬「戰績」
提起藝人崔碧珈(Anita)，大家可能會即時聯想到她36G的驕人上圍，而Anita亦好識做，經常在社交網甫出性感相冧網友。Anita近日又在社交網甫相，不過今次她不是騷身材，而是大曬她刮痧的「戰績」！她上載了一張背部全裸的照片，相中Anita做完刮痧後背部通紅，睇嚟真系溼氣好重。她留言話：「戰績厲害吧？兩個月沒按摩，今天按摩刮沙做臉甚麼都做齊了，應該最少一個星期不能穿露背衣服。」 網友都被她這張照片嚇親，更叫她小心身體！
甫「互閹」相曬友情 王浩信懶理婚變傳言
王浩信去年榮登視帝寶座，攀上事業高峰。與陳自瑤（YoYo）結婚7年的他，育有6歲女兒王靖喬，本來一家三口樂也融融，但王浩信與YoYo近年屢次傳出婚變，有報道指王浩信沒有兌現送樓承諾、反而在YoYo不知情下買了一間3,000萬豪宅送給媽咪而令YoYo心灰意冷；又有傳YoYo心已死並將王浩信踢出家門，囡囡將會由爺爺嫲嫲照顧，YoYo則專心投入工作，努力靠自己搵錢。
對於以上傳言，王浩信不置可否，沒有進一步的回應；不過近日他就在社交網上載了一張新舊對比的相片，對照了他與好友17年來的變化。相中他們疑似玩「互閹」，非常搞笑！他留言話時光飛逝，但友情就沒有改變，更祝福友人展開人生新一頁。
找數真漢子！馬浚偉半裸賀《深宮計》破10億
無線劇集《宮心計2深宮計》播出以來深受觀眾喜愛，劇集喺內地國粵語嘅播放量更已衝破十億，當中劇集主要演員馬浚偉曾經喺出席活動時承諾會甫出裸照贈興，呢日佢終於找數啦！馬浚偉喺社交網先甫出一張全裸照，其實張相系佢一歲嘅時候影嘅，相中嘅佢表情呆滯非常可愛，雖然佢用小雞公仔圖案遮住重要部位，但都有曬出靚股，誠意十足。
之後，佢再甫出一張赤膊上身嘅半裸照，並留言：「好啦好啦，破10億了！兌現承諾，不過我又白又沒什（甚）麼肌肉，真的沒什（甚）麼看頭.....那就意思意思啦！」唔少網民大讚馬浚偉系「找數真漢子」，仲話好期待睇佢同胡定欣拍床戲時嘅私密床照。
功架十足！弗爆陳雅思大曬優美舞姿
前港姐陳雅思(Bonnie)能時刻保持最弗身型，與她熱愛運動的性格不無關係。有留意她社交網就會知道，Bonnie精通打拳、瑜伽等多種運動，非常有運動天分。不過，原來Bonnie除了運動叻之外，就連跳舞都難唔到佢！近日她就在社交網上載了練習芭蕾舞的照片及短片，見她提腿、舉手、擺甫士等都非常有功架，絕對唔系扮出來㗎！網友留言贊她身型弗到爆，更話她的舞姿非常有美感添！
拍劇為馬明變花痴 心穎認合作助感情升溫
黃心穎宣傳《宮心計2深宮計》，她在劇中冧爆馬國明，是頭號粉絲更愛得瘋癲。現實中她不認是男友馬明的頭號粉絲，因馬明有很多粉絲，很多人更愛馬明 ，大家是不同的愛。問角色是否為她度身訂造？她說這個問題要問監製，透露劇中將會被人拒絕，劇情發展比較悽美，承認拍完這套劇與馬明的感情跨進一步。
劇中心穎與馬明咀嘴，問她會否與馬明一齊看？她說應該不會，大家各有各忙。至於拍拖時誰會主動錫對方？她尷尬表示大家都會做主動，又謂爸爸每晚也追看《深宮計》，還與她討論劇情，不過沒有討論馬明，笑言現實中如果她是花痴會好恐怖 。
群情洶湧！Bob勁識玩 主動撩大媽獻吻
主持界出曬名多Job嘅藝人林盛斌（Bob），搞氣氛一流又夠敬業，所以一直都系MC界嘅搶手貨，好多人婚宴想搵專業主持都會諗起佢。依家育有3女1仔嘅Bob密密搵奶粉錢，除咗喺無線主持節目，佢都出去賺嚇「外快」，今次佢又做飯局主持，仲自爆做佢呢行多誘惑，少啲定力都唔掂咁話！
講到咁，到底系咩誘惑？咪就係「大媽的誘惑」囉！Bob自己喺社交網甫片，並寫道：「即系咁嘅，做我哋呢行，實在太多誘惑，真系少啲定力都唔掂，好彩我仲頂得住.....」片中見佢High爆企上櫈唱歌，身旁就有一堆大媽圍實佢，大媽們又自拍又「抽水」，而Bob都好識做咁俯身同佢哋Selfie，唱到一半仲手拉手扶一位女士企上櫈同佢合唱，二人攬曬咁跟住音樂搖，去到尾Bob更加主動嗌該女士獻吻，女士一個肉嘴貼上Bob粉臉，此情此景，真系不得不畀一個「服」字阿Bob！識玩！
陳婉婷恨拍拖出曬面 放天燈求真命天子
藝人陳婉婷（Hebe）今年接下多套無線新劇，忙到冇停手，幸好劇集早前終於殺青，佢亦趁空檔時間，到臺灣旅行鬆一鬆。問到Hebe喺當地有冇豔遇？Hebe笑言：「因為今次我係同一大班同學去臺灣，日日都成班人出去玩，所以唔見有當地男仔埋身，完全冇機會識到新朋友。（啲同學阻住你嘅桃花？）唔系嘅，難得大家夾到時間去旅行，系開心事嚟！」
另外，Hebe亦有到著名景點十分放天燈，祈求工作運之餘，單身嘅佢亦恨識到另一半：「見到我喺天燈上寫住想同另一半開開心心過每一日，就知我都想盡快遇到真命天子，希望會願望成真啦！我份人比較貪心，都希望有另一半亦有事業，可以一直忙就最好啦！」
女神放暑假！朱千雪孖男友夾時間去旅行
藝人朱千雪、邵珮詩及鄧穎芝等下午到九龍灣出席眼鏡店活動。即將放暑假、全程投入工作的朱千雪透露7月會偕同湯洛雯到北海道拍攝旅遊節目：「都有4、5年冇幫公司拍過旅遊節目喇。（湯洛雯鐘意『大解放』喎。）咁咪好囉，我哋分工合作，我幫佢揸相機。」她笑指自從參選港姐後，自己已無膽量三點式示人：「依家驚曬黑，連游水都著潛水衣。（三點式）好大壓力，如果要幾個月唔食嘢影張靚相，我寧願開心啲喇。」
當問到會否趁暑假往新加坡探望男友，她笑答：「夾緊時間去旅行，我哋兩個都系6月生日。（想去邊？）冇所謂，歐洲囉，最緊要繫個伴啫，不過嚟緊我會先請父母及姨媽、姨丈去韓國慶生先，我兩個妹就冇假join唔到。」
百貨店買BB衫被捕獲 全智賢今蒲頭曬粗腰
現年36歲的韓國女神全智賢於2012年與崔俊赫結婚，前年2月一索得男，今年初再誕下第二名男嬰。已為兩子之母的全智賢，早前已復工拍廣告，至今日終於在產後4個半月首度公開亮相，現身首爾江南區新沙洞出席代言太陽眼鏡品牌的宣傳活動，不過未知是否未完全回覆最佳狀態的關係，全智賢今日以一身松身打扮登場，穿上松身褲，腰部與下身亦顯得較為臃腫，似乎產後未完全收身，但戴上墨鏡的她依然心情大靚，不時微笑揮手，貫徹親民作風。
此外，靚媽全智賢日前在百貨公司選購BB衫被捕獲，她當時戴上帽掩人耳目，但仍被粉絲認出，但她亦旁若無人，繼續忘我揀選嬰兒服。
閱讀更多 新潮東莞 的文章
