陈小春同应采儿喺10年结婚、13年生咗陈胤捷(Jasper)，一家三口过幸福慨家庭生活，小春喺嚿年同Jasper去咗参加真人骚《爸爸去哪儿5》，结果Jasper成为小暖男，受到唔少观众欢迎，小春仲因为对刘耕宏慨囡囡「小泡芙」疼爱有加，直言自己恨女，希望可以生个妹妹畀Jasper！
唔知小春今次系咪梦想成真，噚日应采儿喺ig贴咗张同邓丽欣慨合照，本来渠为咗撑好友王子慨自家品牌，点知有网民发现应采儿有啲肚凸凸、孕味浓，于是大家即刻留言问应采儿系咪有咗第二胎？今日仲有报道话应采儿日前喺微博已经留言话：「做游戏都要有队友，我采鹅队已经有队友啦，那另一队呢？#做妈妈从来不孤单」
有网民发现，喺渠身边有一樽专系畀女性喺怀孕期用慨复合维生素，虽然有人觉得有广告成份，但系都有人继续追问，希望渠哋早日公布好消息！
分享到:
閱讀更多 我也是菜喳 的文章
