说好的无线剧《大帅哥》终于喺听日（12月3号）有得睇啦，不过男主角张卫健（Dicky）就选择“唔理江山陪美人”，佢冇留喺香港为剧集做宣传，一早同佢位靓老婆张茜飞咗去非洲旅行轻松吓。
虽然同香港嘅粉丝隔咗千万丈远，呢位“大帅哥”好识做喺社交网不停甫相，以解粉丝相思之苦。佢上载咗好多旅游相，明显晒黑咗嘅佢同一位黑人朋友合照，佢话：“他的皮肤是黑色的，我的皮肤是黄色的，他生于无人问津的深山中，我活在钢筋水泥的丛林里，我们的共同点只有一个大光头！搭建我们之间友谊的是一道又一道不断免费输送给对方的灿烂笑容，笑可以融化一切，把你的笑容广传出吧，嘻嘻…。”大帅哥真系帅到非洲，连黑人朋友都要揽住咀佢。
而张茜就比较怕丑，在网上只甫风景相同埋靓靓嘅自拍照，她留言：“我们这次旅行第一站住在津巴布韦瀑布城的Safari Club，系一所非洲风情的酒店。这儿的人很nice，有些黑人长的很好看！英语环境，悠闲、礼貌、舒服！非常适合来度假。”
TVB剧《大帅哥》即将播出，主演仲系久未拍香港剧集嘅张卫健，令大家相当期待！张卫健次次拍剧都会有令人无限loop嘅急口令，今次张卫健当然要再show off吓，仲广发英雄帖，搵网民挑战佢口技！
张卫健着住《大帅哥》嘅帅服，拍片叫大家只要对讲嘢速度有信心，就嚟挑战佢嘅《大帅哥challenge》，佢话：“我会用我三部剧嘅对白串连成一个急口令，你哋清楚嗡完佢，有信心快得过我、劲过我、型过我、chok过本大帅就过嚟，劲到喷晒汁嗰位，有机会赢得大帅哥一比一全高清亲笔签名相一大张，快啲拍片过嚟！”
张卫健仲即场示范咩叫快狠准，佢开Turbo只系用咗16秒，就讲晒挑战内容：“如来佛祖玉皇大帝观音菩萨指定取西经特派使者花果山水帘洞美猴王齐天大圣孙悟空呀！型到跌渣！凉风有信，秋月无边，亏我思娇嘅情绪，好比度日如年，虽则我唔系玉树临风，潇洒倜傥，但我有广阔嘅胸襟，加强劲嘅臂弯。我攀过的斜坡已经太多太多壮胆记得唱歌咪讲咁多放-马-过-嚟！”16秒读出116个字，平均每秒读到7.25个字，真系屈机！
网民的话：
JaXX：完全没有老到！听到这把声音就是开心！
CathXX：我唔想要纸板，想要佢真人！
axxie：边有人快过佢！
閱讀更多 TVB港劇社 的文章
