ViuTV節目《廣告女皇》今晚（8日）首播，下午一眾入圍參賽者（8日）出席記者會面對傳媒。早前節目公開23位入圍參賽者的宣傳硬照時被網民批評修圖修太多，相片跟宣傳短片相差太大。雖然都有網民認為沒有部分網民說得那麼誇張，但我們依然找來了幾位最獲網民熱烈討論及「引人注目」的參賽者分享一下。
其中被認為相片跟真人分別最大的葉芷晴（Sharpay），宣傳照chok到十足，真人卻是180度大反轉，充滿可愛感！她稱宣傳片的拍攝的角度最令她「出事」：「例如低抄同埋高抄，塊面已經唔同樣啦，所以咁啱嗰張圖系低抄，所以塊面更加包囉！」她笑說雖然自己都覺得照片跟自己不似樣，但都感謝攝影師幫她「瘦面」：「因為我平時都系包包面，啲相平時都影到好包包面，渠今次影到我由L變做XS，渠影相真繫好好！」（有人話你似大佬B（Youtuber）喎！）「但系大佬B瘦啲喎，我無佢咁好身材啊！哈哈！ 」
另一位參賽者中年紀最小的李曉鏵（Sharon）都系另一個「照騙」的「受害者」：「其實我都覺得自己唔繫好似！我自己都唔認得自己，但系我啲朋友認得我囉，好多人send過嚟問我『喂系唔系你嚟㗎？』，跟住我話『你估嚇！』」問到覺得有哪位參賽者是自己最大的對手，她稱：「芷晴（Sharpay）啦！渠同我最friend吖嘛！」
在一片批評中成功倖存，反而獲得網民一致好評的劉思琦（Kayze）表示自己有幾年做模特兒的經驗，所以比較有優勢：「影相對鏡頭可能會敏感啲，可能知道自己邊個角度邊個view會啱自己，所以可能會影得突出少少。」（覺得自己喺咁多女仔之中係數一數二慨靚女？）「OK啦還好啦，可能有人會覺得我個樣會比較突出啲，但系我都想喺各方面更加好，例如我慨口才未必好叻啦，呢啲都要加油。」有網民贊Kayze跟蔡思貝的外貌有幾分相似，她笑稱：「即系似達哥？但其實好多人都有講話我把聲似蔡思貝，可能因為咁就會聯想到我似蔡思貝！」
閱讀更多 佳佳較瘦嘚啵嘚 的文章
