工藤佑采隔空开火还击TVB：
唔锺意我都唔使黑我㗎
「香港小姐2018」竞选就已完结了差不多一个星期，但周边花生新闻却日日新鲜。继竞选当中最强「Poker Face」工藤佑采被网民揶俞「跳舞劲hea」、「拉小提琴拉到劏鸡咁款」，工藤佑采近日又于个Instagram正面回应之后，就获得了张敬轩的赏识，最后张敬轩更与工藤佑采互换IG头像兼亲获「皇上」（张敬轩花名）加冕称呼为「女皇」，事件迅即令到各界人士羡慕又妒忌。
当然以上所说都是旧闻，9月1日下午4:30“女皇大人”又再出新招，今次更是史无前例地在Ig「单挑」旧主顾TVB。
工藤佑采Ig上原文写道：「TTv都几有趣～个处理方法都几好喎丶我几时有拒绝过落选之后要上台跳舞？ 我地几个落左选嘅女仔包括我在内明明係后台哭完都上台跳舞！讲到好似佢的束手无策咁！仲要如簧之舌咁？好辛苦先叫到我上台? 唔锺意我都唔使黑我㗎～TTv 比赛咁多奇怪事情我都冇讲出嚟、比赛最后一个星期要冇跳舞底嘅我地学四个舞～你期望可以跳到dancer咁。TTv 根本就是佢唔要你丶都唔畀生路你行～」
文中工藤佑采虽然避重就轻就没有指名道姓「佢」即是谁，不过根据推测，明显地矛头直指「香港小姐2018」的监製何小慧小姐以及TVB，更指跳舞差完全是因为自己并无跳舞底子，根本就不是「Hea」跳，又表示何小姐此番发言是因看她不顺眼兼抹黑，「唔畀生路佢行」。
不满工藤佑采！
黄心颖：彻底对佢失望
艺人黄心颖谈到今届落选佳丽工藤佑采于IG为港姐监製何小慧批评她态度不好平反，心颖闻言谓：「咁呢件事我觉得佢唔岩，选美过程一定系辛苦，当年我选系隔两日就做唔同野，人地做到，佢做唔到係自己问题，仲以为黑面系佢跳舞态度，如果系做人态度就唔抵争。
（觉唔觉得落选仲要做布景板好惨？）唔觉得，当年我的系最后十强先可以喺决赛出现，但今届系20个都可以已经好好，辛苦左咁多个月，梗系想喺台上展现自己，留个好好嘅回忆，所以应该跳好佢，咁样就彻底对佢失望。」
畀黄心颖辣着！
工藤佑采嬲爆反击寸博见报
今届落选佳丽工藤佑采因「黑面」而成网民热议对象，连歌手张敬轩都转佢张黑面相做IG头象，之后佢又被港姐监製何小慧批评参选嘅时候态度已经唔好，港姐出身嘅黄心颖寻日被问到呢件事嘅时候，佢就好坦白咁话：「彻底对工藤佑采失望。」
点知呢番「失望论」令工藤佑采「有话儿」，佢喺社交网上载黄心颖接受访问时嘅截图，发长文话：「我份人一向奉行 人不犯我～我不犯人、凡事留一线～他朝好相见丶好多事 退一步海阔天空，所以从来都 冇公开喺网上话人、但系我都讲过 我唔系打不还手 骂不还口！ 黄心颖我几时有讲过 我话比赛辛苦不满意？从头到尾 比赛完左 我都冇讲过 ！」
然后佢又话系直到寻日有人公开抹黑佢，佢先至出声：「 都系讲紧佢的抺黑我、而不是说比赛辛苦，既然你的要屈我 我都唔排除 将来 会讲吓比赛嘅事、 你堂堂三甲香港小姐 连阅读理解都唔识？真系叻猪！黄小姐 你唔使咁护主心切喎！我如果系你接受访问 就会话冇留意 冇回应啦！ 因为支持吾支持 都系死路一条 ！顺得哥情失嫂意！你成功咗啦、成为咗第一个 我会喺网上公开讲嘅人～ 」
之后佢仲意有所指话：「你嘅行为真係表现到 你系几咁美貌与智慧并重 、其实你系咪好耐冇见报？ 所以要出嚟话一吓我？ 咁我好支持你继续话～千祈唔好停～ 咁我的就可以一齐见报 好多谢你咁留意我喎」
工藤佑采寸到应
心颖：唔想同佢有关系
落选港姐工藤佑采于网上反击黄心颖，明寸她博见报，心颖接受记者访问，她淡然谓：「我坚持当日所讲嘅野，觉得要尊重自己，尊重舞台。（佢话系护主心切！）护乜鬼，有参选嘅人都知，去到系要打定输数，我唔信系最后一分钟先叫你出去跳，呢啲系节目度应该有，佢应该都预左有呢件事，其实我唔系好知呢个人，仲要话我靠佢见报，我唔系好想同佢个名扯上关系，觉得成件事系调转嚟！」
至于心颖男友马国明对心颖与工藤佑采掀闹战，则表示：「其实我唔知发生乜野事，希望大事化小，小事化无，无谓再讲喇。」
工藤佑采开火
张敬轩以前辈身份提点
对于今次事件，轩仔以前辈身份向工藤作出提点：「我觉得无论出面嘅人点评价自己都好，有则改之，无则加勉，无论边个行业都系，自己嘅努力同成绩系说服人的最好嘅方法，有时亦都唔好太急于反驳人的对自己嘅意见或者评论，用自己嘅作品去讲说话。」他又指无论将来工藤会否在娱乐圈发展，都希望对方有个精彩人生，并寄语她努力及畀心机。
閱讀更多 五邑吃喝玩樂 的文章
