又一波甜蜜暴击
三浦翔平、桐谷美玲
结！婚！啦！
从电视剧CP到被爆恋情
从被爆结婚到否认结婚
如今终于唔係传闻
而係双方事务所公布结婚消息
翔平小天使同吧花
两个颜值咁高嘅人结婚
不少网友感叹好似拍偶像剧一样
而且吧花讲过想30岁前生B
大家都好期待佢哋嘅高颜值BB
据悉二人5年前已经相识
成为咗比较好嘅朋友
2016年共演嘅日剧《有喜欢的人》
造就咗二人发展为情侣嘅契机
剧中翔平饰演吧花嘅初恋
但被贤人成功俘虏咗吧花嘅心
所以翔平就默默守护吧花
睇到观众好心痛
2017年底恋情首次曝光
当时爆料话二人住同一栋公寓
已经发展成半同居状态
网友得知后当然极速献上祝福
今年4月爆出约会同框照
两个人一齐去睇电影
仲影到翔平拖住吧花只狗去散步
到咗5月中旬
日媒又爆料话二人6月份结婚
一时间国内外网友都超激动
不过消息被事务所否认咗
话冇咁嘅安排wor
事情真係一波三折
虽然否认6月结婚嘅安排
但翔平明确表明咗：
两人目前的确以结婚为前提交往中
只是提交结婚申请的具体日程未定
等到7月
结婚嘅事终于落实咗啦
以后孖住出街都唔使遮遮掩掩啦
well
日本明星结婚
未确定结婚前遮遮掩掩
确定咗之后就杀你一个措手不及
不过可乐君都会恭喜佢哋嘅
唔G下一个结婚嘅
会轮到边一位呢？
之前先讲完坂口健太郎同高畑充希
两人以结婚前提交往ing
睇嚟佢哋都喜事近啦！
坂口健太郎、高畑充希好事近？日媒爆料已经见过家长！
你哋最唔舍得边个结婚？
分享到:
閱讀更多 可樂生活color 的文章
