Diva稱，當時大劉話渠「整容怪物」，Diva憶述當時她稱：「我即刻話依家去驗，如果我冇整容你係咪賠錢畀，渠用粗口鬧我，話我『戇XX 』。」
Diva續道：「之後講咗幾次（指大劉），我話即刻去驗囉，你咁有錢，話我整容怪物，冇咪賠錢畀我囉。我真系冇撞到渠囉，如果我真系撞到人我會講sorry，我都冇撞到渠，佢仲要用粗口鬧曬我全家。我唔知渠聽日生日囉，但系我覺得佢咁樣，我惟有祝渠身體健康。」
至於整容傳聞，其實早於Diva參加選美時已流傳，當時也有讀者報料，稱Diva 18歲時已有一子，又指其做過舞女，當時Diva也曾回應稱：「我有心理準備，謠言止於智者，以前個男友有個小朋友，我哋一齊五、六年，小朋友都叫我媽咪，我哋關係好好，之後個男仔有外遇，個小朋友好可憐。我最青春慨時間都畀曬渠，我哋16、17歲一齊，18歲一齊住，22歲分開咗。舞女？我冇做過，以前男友鐘意去夜場，我承認我成日去玩。」
對於大劉指她「整容怪」，Diva表示：「認真吖，依家有邊個唔會打微針，有邊個唔會打微針，呢啲美容嘢嚟，但話我塊做過咩大手術，咪去驗囉。「我覺得喺希慎呢啲公眾地方，畀個阿伯咁樣鬧我，真繫好樣衰，好彩在場好多人都幫我。我嬲到不得了，呢個阿叔都傻慨，系劉鑾雄咁又點？有錢咁又點？條路唔系渠行曬，好心渠返The One啦，渠接受唔到咁多人就唔好去希慎啦阿叔！」「即系你有錢咁又點，我唔會去黐你啲錢，我唔會因為渠系咁有錢慨大劉而畀面佢啦。」「我再多講次，我冇撞到渠同冇撞到佢個仔！」
閱讀更多 菜喳 的文章
