李龍基唱而優則演多年，早已是TVB御用皇帝，不過始終未演過與自己名字同音的唐玄宗李隆基，在最近熱播的《宮心計Ⅱ》中飾演李隆基父親唐睿宗李旦。劇情已發展到李龍基讓位給馬浚偉，自己舒服做太上皇，而現實生活中，67歲的李龍基亦不憂做可退休「嘆世界」。
二十年前李龍基已洞悉先機，在深圳買優質樓投資，並與第二任太太定居當地，現持有6層樓收租，做包租公的收入本已夠生活，不過近月《宮心計Ⅱ》效應令李龍基人氣急升，登臺爆show有錢繼續賺。
李龍基坦言在01年被TVB炒魷魚後也曾跌落谷底，但天無絕人之路，他勸勉年輕人要積穀防饑，遇上人生低潮都要積極向前，十七年後他再返TVB重拾皇位，不為名利，只求開心。
李龍基：被炒魷意興闌珊
01年TVB因人事變動進行過一次大裁員，當年做過無數皇帝角色的李龍基也成犧牲品，要默然離開感到非常徬徨，此後他繼續四圍走埠登臺，保持一定的曝光率，彷彿從未離開過電視圈，去年迴歸TVB拍重頭劇《宮心計Ⅱ》，再做唐睿宗李旦可謂駕輕就熟。
李龍基坦言當年是被迫離開電視圈，他說：
我當年系俾人炒魷㗎！呢段就係我嘅低潮期，當時我真繫好低落，不過公司話系商業決定我都冇辦法，離開後有好多圈內朋友都好關心**向，王維基開臺都搵咗我三次，不過我真系意興闌珊唔想再籤任何電視臺，我有手有腳有技能，一定餓我唔死，咁我又繼續走埠登臺，閒時又上嚇啲綜藝節目。我份人唔記仇，做人應該學識放低，到小青姐再搵我返去拍《宮心計Ⅱ》，我就一口應承喇！咁多年嚟啲皇帝俾人做曬，我依家返嚟做番，拍攝過程真繫好艱辛，不過套劇好成功有好大回響，依家行出街有好多人搵我影相又叫我皇上。
李龍基對《宮心計Ⅱ》中飾演太平公主的陳煒有贊無彈，
有皇兄恩寵，看來煒哥真是很得人心。
兜兜轉轉，李龍基又回到TVB，他坦言拍完《宮心計Ⅱ》已元氣大傷，需要休息一段長時間，暫時不會再拍劇，
時不我與，依家已經唔後生，再拍劇都要睇辛唔辛苦，拍《宮心計Ⅱ》第一日已經開19個鐘，之後平均工時都超過16個鐘，長時間唔夠訓抵抗力弱，期間仲腰患發作痛到企唔到標冷汗，要去醫院打消炎止痛針。再加上我喺深圳住，每日來回時間要預5個鐘，遇上日接夜要通頂，都好辛苦。
專攻優質樓
記者日前直擊李龍基由深圳福田的寓所，搭地鐵去落馬洲過關來港工作，原來他已定居深圳近二十年，
二十幾年前同第二任太太結婚，之後就一直住喺深圳，時仲開始投資買深圳樓，我咁多年保持住唱歌登臺，試過十八個月內去咗六次美國、三次英國、三次澳洲同四次大馬，賺番嚟嘅錢就投資深圳樓，當年有好多朋友話我傻，覺得買深圳樓收租好冒險，但我好有冒險精神，只會買地段好嘅優質盤，亦證明咗我當年嘅決定好正確，時我用100萬可以買到一個四百幾呎嘅優質屋苑單位，依家已經升咗好多倍，每個單位月租可以收七千幾蚊，回報率好高，有能力買幾層樓俾老婆收租，等佢有啲細藝。
出show歌王變成深圳樓王，李龍基本來可以退休享清福，與第一任太太育有兩女一子的他，孫子都有兩個，但他並未退下火線，登臺秀亦接到手軟，
我啲仔女已經大曬，亦唔使我擔心，佢哋都好叻可以自立，而我嘅人生目標就最緊要開心，無論工作定生活，都會揀自己中意嘅嘢去做，安安樂樂唔需要為兩餐擔憂，兩公婆自由自在，太太會跟住我周圍去登臺，我哋已經去過環遊世界，去過好多地方。總之有工作會努力工作，冇工作就努力去玩。
據知《宮心計Ⅱ》播出後，李龍基又接了多場美加登臺，下半年將會帶上太太再遊美加。多年來深信做人夠積極夠勤奮，好運自然來的李龍基，全靠當年獨具慧眼，不過現在中港兩地樓價都狂升，要上車談何容易呢？
李龍基 帶妻環遊世界
李龍基與第二任太太結婚逾二十年，人前人後表現恩愛，平時與圈中人聚會，他都會帶同太太一起出席。李龍基連走埠亦與太太同行，夫婦二人足跡遍佈世界各地，羨煞旁人。
以朕自居
李龍基80年代加入TVB後拍過逾40套劇集，演活過無數皇帝，笑言就連東海龍王及閻羅王都做過的他，在社交網更不時以朕自居。
85年在《鍾無豔》中與陳秀珠合作，飾演齊宣王。
01年在《尋秦記》中飾演秦始皇父親異人莊襄王
爆show歌王
李龍基歌藝出眾，歌迷無數，四十年來登臺出show不絕，首本名曲包括《巨星》、《佛山贊先生》、《男子漢》、《花艇小英雄》、《怒劍鳴》，《路直路彎》及《人生曲》等，爆show歌王當之無愧。
除了去世界各地登臺，不少私人公司及企業的週年晚會都愛請李龍基表演，會搞氣氛又會玩樂器，多才多藝難怪深受客戶歡迎。
入行40年
李龍基酒廊歌手出身，70年代參加TVB舉辦的「聲寶之夜」而被經理人發掘才全職做歌手，出道初期蓄「二撇雞」鬍鬚，形象略為粗獷，故有「斬柴佬」的綽號，早年曾為不少電視劇演唱主題曲。
閱讀更多 追尋娛樂點滴 的文章
