96年憑參選亞姐入行、兩年前轉投TVB慨張文慈（Pinky），最近有份在《宮心計2深宮計》中飾演汪司膳。Pinky近日接受商臺《1圈圈星光背後》訪問，提到當年選完亞姐後，因為一篇專訪揭露曾被「迷姦」哄動一時，結果被亞視雪藏。她說：「其實已經唔系我能唔能夠講呢件事，而是近日又再被翻炒，我唔想被人覺得我拎來嚟造宣傳。當時我覺得自己好醜、好害怕、好不開心，嗰時真系唔識得如何處理。公司藝員部可能誤會咗我，都好難怪渠哋，因為我自己都有責任，只怪自己笨。」
張文慈四歲父母離異，由祖母一手撫育她同兩位弟弟成長，她坦言家貧，入行都係為了肩負養家責任。但當年被雪藏，收入完全停頓，故此無奈接拍了王晶電影《強姦3之OL誘惑》維持生計，她說：「嗰時年紀仲小，冇安全感，只覺得如果我唔拍(《強姦3》)慨話，以後就唔能夠拍。講真，『有頭髮，邊個想做癩痢？』，拍攝時，真系一啲都唔開心。但我當時覺得，唔拍就冇路行。所以當時我覺得自己慨人生好委曲，我真的行錯好多路！」
之後，張文慈被冠以「三級女星」，但她重申《強姦3》只系二級半電影：「我要澄清，我從沒拍過暴露的三級片！」
2010年離開亞視北上發展，同年因為見朋友轉變亦成為基督徒，令一向缺乏愛的她，尋回生存價值。她說：「我曾經諗過唔知為乜而生存，但我有一個生存慨理由，就是嫲嫲，系渠養大我，所以我要養渠報答渠。唔係為親人，我死咗九次！我真繫有諗過自殺，就係嗰段被雪藏慨時間，有一日我坐喺窗口，真繫好想跳落去。」另外，張文慈至今單身多年，渠覺得或者同演壞女人角色太多有關，佢話：「我多數吸引壞男人，每個男人都以為我好嗲，其實我好男仔頭，入行以來拍過拖慨男人，一隻手數得曬！信主之後，我都系單身，亦被標籤『剩女』，但我一啲都唔怕，一啲都唔擔心，因為我活得好精采，最重要活得好開心。」
閱讀更多 菜喳 的文章
