宣萱昨晚為《陀槍師姐2020》開工時,只系掛上空氣淨化機未有使用口罩,她說主要原因系會整花個妝,但如果多人時都會戴口罩。
無線曾表示劇集外景未受影響,並指獲有關規例豁免。宣萱同陳豪昨晚在土瓜灣拍攝《陀槍師姐2020》外景,飾演特警嘅陳豪與宣萱趕到冰室,並開鎗阻止持刀壞人追斬羅仲謙。試戲時,陳豪看似未回魂,開鎗後呆企門口,要宣萱在旁提佢「行得啦」。
埋位前,宣萱與工作人員研究點拎槍。
由於新冠肺炎疫情嚴峻,劇組防疫功夫做到足,唯獨女主角宣萱,全程只系見佢頸上掛有隨身空氣淨化機,而未有戴上口罩,咁大膽?「之前試過一cut機就戴口罩,唔繫個妝花就係有個印,其實自己都驚,亦都煩咗劇組好多次,多人場口佢地都儘量唔使我出現,不過呢個系暫時。拍室內還好,但拍街景見到香港人好似鬆懈咗,當然我明白而家疫情繫向好方面行緊, 但唔可以鬆懈。同埋限聚令之後,劇情都有改一改,咁反而仲好咗。」宣萱表示昨晚拍攝時未有路人圍觀,所以才敢無罩示人,但平日拍攝時,遇上多人又或者在電視城坐電梯時,都會乖乖使用口罩。
由於拍劇關係,所以家中嘅四隻愛犬散步工作由交工人姐姐,宣萱笑言:「所以啲口罩其實繫留曬比姐姐用。」她又指狗隻每次外出後,都會做足清潔功夫才返入屋。
宣萱透露在劇中與陳豪的對方戲最多,並笑言:「佢仲驚過我啦,阿謙(羅仲謙)又系,睇到佢哋好小心,我就可以好安心,不過佢哋叫到我就好唔安心。」一如宣萱所說,陳豪到場後,唔到正式拍攝前一秒,都唔敢脫下口罩。
閱讀更多 港劇娛樂 的文章