上個週末，
對歌迷來講
絕對係high high啦~
呢個gag就唔多講啦~
一齊去咗睇千嬅嘅friend，
真係多到乜咁啊！！
（但係現場又冇撞到熟人喔，好奇）
千嬅呢個世界巡迴演唱會，
睇得出係做得好比心機，
有落重本！！！
首先從佢服裝，
登場嘅晚禮服係出自巴黎設計師，
之後又有日本設計師
高定禮服
總之所有服裝都好靚，
來自世界各地名師之手，
仲有舞臺都係世界級別嘅~
當然，
最正最正最正嘅，
就係今場嘅歌單啦~~~
一眼望落，
係真係全部都識！！！！
唔使睇歌詞！！！
首首大合唱！！！！
《可惜我是水瓶座》
《勇》
《鍊金術》呢D，
有邊首唔係一起前奏就知？？？？
睇完成張歌單，
發現一件事，
大家好識唱，大家都好中意嘅歌，
幾乎都係2000年代發行，
唱完騷，
唱到10年之後發行嘅歌，
只得幾首。
而且呢幾首，
有好似《可惜我是水瓶座》
咁成為經典嘅，
好似只得《最好的債》。
其實係點解呢？？？
當然同千嬅10年之後，
新歌減產咗有最大關係，
忙於電影同其他嘢。
亦都令可樂君諗起，
身邊好多朋友，
已經冇追新歌嘅習慣。
佢哋嘅最愛，
去K一定會點嘅，
都係翻《飛女正傳》
同《野孩子》。
大家少聽咗新歌嘅時間，
去咗做咩呢？？？
係真係冇再聽任何新歌，
定轉型去聽其他？
演唱會最正就係
可以一路唱到尾，
所以今次主辦方嘅歌單，
無疑係非常正嘅，
現場氣氛好到爆。
今次演唱會係
千嬅籤咗畀丁字高後嘅演唱會，
由佢老公丁生擔任監製。
唱到尾聲，
千嬅感性地說：
“好希望自己唱嘅歌去到唔同地方唱畀大家聽，呢個 系序幕，你哋畀咗好多能量我，成就今日件事唔易，多謝監製丁先生鼓勵我，做tour呢件事一直放心中，但有咗家庭、小朋友，夢想變得好遙遠，有日 佢（老公）同我講『你做啦！我會諗辦法㗎喇！』之後就成就咗今日，創業難，守業更難，有你哋，我可以堅守落去。”
演唱會之後喺省內仲有幾站，
大家今次睇唔到嘅，
仲有機會！！
假如你like嘅話，
呢晚會好難忘~！！！
閱讀更多 可樂生活color 的文章
