一連11場「阿Sam & 阿Tam Happy Together 演唱會」Part II前晚在紅館完滿結束。尾場獲陳百祥夫婦、梁漢文、蔡一傑、郭藹明、王家衛夫婦等人捧場，臨尾許冠傑（阿Sam）老婆亦有企在臺邊樓梯睇騷。
8月23日壽星公譚詠麟（阿倫）收到好多粉絲的利是，阿倫開心地說：「多謝大家提早同我慶祝我生日。」他們又指出，按正式統計，開心是排行第10位長壽的方法，排第一就是唱歌和聽歌，他們樂於為大家效勞，唱多幾十年，大家就會長壽了。
完場受訪時，阿倫坦言依依不捨，之後將會新加坡、馬來西亞、內地巡演，美加就洽談中。阿Sam自言已習慣下來，應該頂得到。阿倫笑言，這段時間他們已經合體變做一家人，又幫阿Sam湊孫，孫仔好得意、好重手。
至於阿Sam可有見過阿倫的兒子譚曉風呢？阿Sam笑說：「系喎！暫時還未有機會，只系睇過相，好靚仔。」阿倫笑說：「落好重料㗎！他是在外地工作，一返來就會拜候你。」生日期間阿倫不在港，記者追問是否過英國探仔？他即尷尬地騎騎笑避談說：「多謝關心，放假㗎啦！去亂食嘢啦。」記者講笑叫阿Sam問下阿倫去邊，阿倫即向阿Sam笑說：「我連你都呃住先。」
分享到:
閱讀更多 追星小桃子 的文章
