而家啲小學生已經人人一部手機，唔系打機就玩Snapchat、Instagram同啲朋友密密斟，可能同班「朋友」仲交流多過屋企人。我覺得呢個風氣都幾病態，對住部手機日傾夜傾，面對面又好似唔識講嘢咁。有網民喺forum度講中秋做節嗰時，小朋友基本上機不離手，搞到其他親戚都有啲微言。其實做父母慨，對呢個情況系咪要負上責任？
其實呢啲時候父母愈干涉，小朋友就愈反感，特別系小朋友升中之後。渠哋漸漸長大，需要自己空間。雖說青春期系難搞，有人就話親子關係慨建立唔系一朝一夕。以往感情深厚的話，唔會一刀切打機就完全唔理父母慨，應該會有彼此協商慨空間。家長只好嘗試同子女溝通，以免渠哋不能自拔。不過有幾多個小朋友會乖乖聽話吖！
有時旁人只道小朋友咁系因為父母唔教，或者教得唔好。但其實好多時唔系冇心教，只系用盡方法都解決唔到。綜合網民意見，家中有「機迷」慨家長可以試嚇咁做：
1.阻止過於沉迷手機，尤其是喺長輩在座慨飯局，要講明唔可以冇禮貌，一手筷子一手撳機；
2.強硬制止渠哋打機同用社交媒體只會適得其反，明白渠哋的確需要呢啲渠道去同同學仔交流，系呢個年代慨正常社交；
3.理解小朋友踏入青春期，受荷爾蒙影響較容易同父母有衝突。日常生活唔好太多管束，避免令彼此慨關係受損。
分享到:
閱讀更多 懷孕媽媽咪 的文章
