林建明（大姐明）、釗峰今日到油塘出席戒菸活動，先交流一下彼此戒菸史，身為無煙老友大使慨釗鋒，自稱人生未吸過煙，仲話連酒都甚少飲，可能因為咁，令渠唱歌夠氣，音域更廣。
大姐明就表示自己早於七十年代已開始抽菸，當時慨筷子姊妹花成員亞美娜Amina同一啲dancers系渠朋友，大家當時常相約到半島嘆下午茶，當時渠哋都慣咗俾支菸大姐明，大姐明就食，就係咁養成習慣。
2015年，大姐明煙齡已屆四十年，那時才成功戒掉。之前試過無數方法，包括戒菸貼、香口膠，甚至電子煙，都唔成功。至同年九月，大姐明要接受一個腦部手術，要喺裡面擺四支支架，「當時見醫療團隊太好好喇，好錫我，而且好專業，手術中途都可以有好多意外發生，當時我就冇感覺，亦都冇痛苦，覺得好感恩。我知食煙對個腦同血管都唔好，如果食煙，就覺得破壞成件事，同埋對唔住醫療團隊。」就係咁，一直堅持，至今都未再抽一支菸。
至於藍潔瑛後事，有傳謂藍的家人將於明日為她安排火化，大姐明表示之前問過藍潔瑛胞姐，她形容對方性格低調，與藍潔瑛一樣：「大家都系唔好騷擾渠喇。關心渠慨，渠都知，同埋渠都多謝大家，多謝所有人同演藝人協會，但渠一直都系想低調，咁大家都系唔好騷擾渠喇，如果唔系就冇乜禮貌，一切在心中，其實都唔使做咁多嘢畀人睇。」
問到曾華倩被網民指無心，大姐明話：「網上世界大家講咩都得慨，其實唔使去睇重，唔一定要做出嚟畀大家睇，渠哋一定有個情義在。」大姐明又指不想打擾其他人，所以沒有打電話給曾華倩聯絡。
分享到:
閱讀更多 我也是菜喳 的文章
