熟悉八、九十年代港產片的，必定認識周比利
他身型魁梧但動作敏捷、表情不多但極之搶鏡，通常開口唔埋幾句便鬱手鬱腳，好像沒有他的出現，便凸顯不出主角有幾威幾勁。外號「老虎仔」的他，今日已年屆六十，依然龍精虎猛，最近演出錢嘉樂執導的《黃金兄弟》，與同樣健壯的倉田保昭過番幾招，拳來拳往不讓後輩。這天拜訪Billy的拳館，只見他稍稍用勁便將沙包打飛，「世界拳王」名不虛傳且寶刀不老。
年輕一輩或未聽聞Billy威水事蹟，他曾是自由搏擊拳手
85年更贏得輕中量級自由搏擊世界冠軍。揚威國際後，卻因為一次機緣而踏足影壇，Billy說：「我入行最多謝都系洪金寶導演，渠拍攝《過埠新娘》，咁巖去到我住慨加拿大Edmonton度拍，渠問我有冇興趣試下，仲話帶左好多菲林可以畀我嘥！」其時武打片流行，Billy又愛接受新挑戰，二話不說答應，結果闖出另一番事業：「有啲武師問我係咪籤左大哥，我話唔系喎，咁掂啦好多人想搵你拍呀，於是留左喺香港發展。」
坊間有說Billy是影壇「最揍得」之人，曾與他過招的巨星不計其數
也是Billy拍戲最有滿足感的一環：「最好打嗰啲都同我打過啦！個個有唔同風格，好似元彪哥個啲輕巧啲，你要捉佢個時間；成龍大哥鐘意有少少亂；洪導演要靚、要勁、要硬。有陣時要真系踢落去，都戳渠辛苦！」事實上，當年拍戲拳拳到肉，受傷是例牌：「打到咁上下，啲大哥就話呢腳你認真?落去啦！就渠系害渠，踢多幾次喳！
對上一次拍戲，已經是十多年前，Billy今次出山純粹為過戲癮
拍攝時也沒有任何壓力。問到今日與昔日動作片的差異，他說：「我諗睇下邊個武術指導啦。（?家）輔助慨野多左，但舊派個啲，咪仲系拳腳多啲。你睇嚇錢嘉樂導演呢套《黃金兄弟》，我同倉田San打十幾個動作，一個鏡頭過，動作都好犀利。」
畢竟是世界拳王，Billy閒時亦會返拳館教拳作育英才，生活寫意。在擂臺上縱有敗績，但未嘗被KO，只因自細捱得苦，當年出道時更有「鐵面具」之稱。當今世上就只有一人能降服他，Billy甜絲絲的說：「我太太就係事頭婆，我去邊度都要帶埋渠囉！」鐵漢柔情大抵如此。
閱讀更多 嘉玉傳媒 的文章
