無綫購入《延喜攻略》、仲急急拍板八月推出，配音組要馬上開工配音，而當時正爆出無綫配音組裁員消息。當時有報道指，配音組收到指令，為《延喜》趕配音，一星期要配四集，三位撰稿員負責撰稿，令配音組工作量大大增加，但同時又爆出向配音組開刀噩耗，令不少網民為一眾配音師抱不平。
如今《延喜》已播出，有網民稱為佘詩曼（嫻妃）配音嘅劉惠雲有啲怪。劉惠雲曾為無綫播出嘅大陸劇《步步驚心》、《醉玲瓏》為劉詩詩角色配音，亦曾為楊冪、胡杏兒等參演嘅大陸劇配上粵語，早年仲配過亞視版《蠟筆小新》野原新之助，接替當時要過檔無綫嘅黃玉娟；喺無綫2012年重配版嘅《龍珠劇場版》聲演莊子。
對於網民指劉惠云為阿佘嘅配音有啲怪，阿佘昨晚現身機場世貿中心出席活動時就稱，最初睇無綫宣傳片時，知道另外有人配音，於是佢都打左俾TVB，話自己有三日時間，可以自己配番：「當時系七月尾，但原來佢的八月九號就要上，所以趕唔切。其實聽左都覺得怪，都擔心觀眾覺得怪，不過冇辦法啦，已經盡左力。如果有續集，我都會自己配番。」
講到話陳凱琳大讚佢超班，又讚佢靚，問阿佘會否相約食飯？佢就話：「好呀，得閒呀！」
乾隆六年，少女魏櫻珞為尋求長姐死亡真相，入紫禁城為宮女。櫻珞經過調查，證實姐姐之死與荒唐王爺弘晝有關，立志要討回公道。富察皇后閒於禮法，擔心櫻珞走上歧途，竭力給予她溫暖與幫助。在皇后的悉心教導下，魏櫻珞一步步成長為正直堅強的宮廷女官，並放下怨恨、認真生活。皇后不幸崩逝，令櫻珞對乾隆誤會重重，二人從互相敵視到最終彼此理解、互相扶持。
櫻珞憑勇往直前的勇氣、機敏靈活的頭腦、寬廣博大的胸懷，化解宮廷上下的重重困難，最終成為襄助乾隆盛世的令貴妃。直到櫻珞去世前，她才將當年富察皇后臨終託付告知乾隆，即望她陪伴弘曆身邊，輔助他做一個有為明君，乾隆終知富察氏用心良苦。乾隆六十年，乾隆帝宣示魏櫻珞之子嘉親王永琰為皇太子，同時追封皇太子生母令懿皇貴妃為孝儀皇后，櫻珞終於用自己的一生，實現了對富察皇后的承諾。
閱讀更多 TVB港劇社 的文章
