演員要演好一個角色，除咗要有好演技外，最重要個外型同個樣要似。因為演員做戲做得入型入格，系絕對會影響觀眾慨睇戲慨投入程度。
吳卓羲
而家38歲的吳卓羲由2005年《學警雄心》開始扮演警察，喺呢十幾年間就多次飾演警隊唔同部門慨角色。之前，更被網友總括出多年嚟渠演慨警隊角色中，性格一般都離唔開火爆衝動，仲笑指渠過去13年喺警隊不停轉部門，履歷不斷更新。
今年慨《飛虎之潛行極戰》扮o記高級督察。
劉德華
華仔扮演警察都相信好有印象，一諗到渠扮警察大家都可能會諗起2002年慨經典電影《無間道》。
其後華仔都有間唔時扮演唔同慨警察角色，例如有《盲探》、《拆彈專家》等，又型又靚仔慨華仔扮警務人員都真繫好似！
王敏德
擁有中法荷蘭血統慨王敏德，身形高大兼一臉硬漢樣，最擅長就係飾演警察中飛虎慨角色。多年來，王敏德多次出演警察角色，而渠扮演警隊高層慨形象，更可謂完全入屋！
2003年，王敏德更憑1994年慨《飛虎雄心》中，飾演香港警務處特別任務連教官Stone Wong一角，並喺香港電臺和香港警務處聯合舉辦慨「香港理想銀幕警察」選舉中奪冠，可想而知渠警察形象如何深入民心！
任達華
現年63歲慨任達華多年來在影圈拍攝多套作品，電視電影皆有其影，而渠無論系外形定外貌，飾演紀侓部隊都入木三分?，其中喺《PTU》沙展一角就夠曬經典！
苗僑偉
而家59歲慨苗僑偉外表夠哂型就唔多講，身型高大之餘，行出嚟個感覺亦只啱做大佬或者屍警隊較高級職位慨角色。
古天樂
古仔所拍慨電影數目為數唔少，其中渠亦有嘗試飾演警隊角色，例如有電影《爆裂刑警》、《掃毒》、《殺破狼·貪狼》等。
其實古仔外形高大，加上膚色黝黑，要扮演一個紀侓部隊人員對渠嚟講都幾適合。
河國榮
睇開TVB劇慨觀眾，應該唔會對今年53歲慨河國榮感到陌生，皆因渠經常喺TVB劇入面扮演一啲警察角色，例如有警官同警司。
講到河國榮，渠本身繫個澳洲人，因讀書時聽到張國榮的歌曲，自此愛上廣東歌，同時亦間接影響到渠長大後，決心放棄成長地慨生活，從澳洲到香港闖一闖。河國榮來港至今己31年。
曾守明
去年不幸離世慨綠葉演員曾守明，入行超過30年，其演藝生涯做得最多慨角色大多同警察有關，曾演活多個唔同警察部門慨角色，包括交通警、便衣警察、飛虎隊、督察、警司等。
原來曾守明唔止戲裡經常飾演警察慨角色，現實生活中渠同時系一個輔警，其官階為警長，其後於2013年退休，並獲頒授「香港輔助警察長期服務獎章」，以表揚渠作出慨貢獻。
？
閱讀更多 我愛追TVB 的文章
