相信唔少人都有请钟点服务，好多人拣钟点都会搵经验好、手势好；不过澳洲昆士兰近日有公司推出一项破天荒嘅突破性服务，就系全裸钟点。呢间公司开宗明义叫「Bear All Cleaning」，标榜有男有女清洁员，全部都系唔著衫或者劲少衫去清洁。当地议员就大力评击，觉得有伤风化，仲问「这是合法的吗？警方知道吗？」不过公司负责人Brett Jones就反击话「完全合法」，公司虽然话提供裸体钟点，但唔会有其他服务，更加明文禁止触碰身体。而且讲明钟点做嘅不外乎清洁地方、抹窗、洗厕所、清理垃圾等，不过尝试以别开生面及生动少少嘅方法。至于收费如何？一般澳洲钟点30美金（时薪，下同），比坚尼钟点66美金，而呢个全裸钟点就需要110美金！
Bear All Cleaning所有钟点都系全裸或者只著劲少布。
公司规定客人唔可以触摸，所以无违法。
每个钟要成110美金，咁贵就系为左眼睛清凉？