最近藝人莊思敏（Jacquelin）與臺灣男友Brian蜜運中，她出席晚宴時表示已見家長，新年期間亦可能會放假向雙方家長拜年，但要視乎假期日數才決定能否去齊馬來西亞及臺灣兩地。
問媽咪對男友Brian的評價，她表示OK：“其實媽咪都冇咩要求，最緊要我開心鍾意。（有冇催婚？）冇呢啲，我細佬結咗婚，媽咪覺得佢未結之前就想佢快啲，但到嗰陣又唔捨得。（生小朋友？）我細佬生咗兩個女，所以滿足咗佢抱孫嘅想法，我就隨緣，好大壓力嘅，又好似重新讀過一次書咁。”
講到維持異地戀，她承認是頗麻煩，一個月大約見兩、三次，由於最近開始入劇，屆時會變得忙碌，相信是一次考驗：“佢開始發覺我夜晚掛住開工，同唔到佢傾電話 。（叫佢養你，等你唔好做？）佢又養唔到我喎！（怕唔怕你陪唔到佢，佢會去曳？）唔擔心，呢啲系基本信任，要曳嘅話，系咪成日陪往都可以。”
分享到:
閱讀更多 TVB電視迷 的文章
