早幾日見到一條日本新聞
82歲嘅長崎真砂弓
長期自己一個人生活喺
沖繩八重山群島中西表島
附近嘅無人島上
截止今年為止
長崎真砂弓已經喺無人島上面
一共生活咗29年咁多
之前佢嘅願望係
可以一直獨居到死個日
究竟咩事會一個人流浪荒島
個故事都幾長
有個外國節目之前採訪過佢
仲拍咗一段紀錄片
住荒島點解唔著衫？？？
據聞係因為當年去到島上嘅時候
當然係有著住衫去嘅
後尾有一次颱風
佢D衫被吹走曬
後尾就習慣咗唔著
因為喺島上反正又無其他人
獨居無人島嘅長崎真砂弓
唔係大家想象中嘅被迫流浪
佢自己好享受
外媒要稱佢為“隱士”
雖然島上有毒蛇等危險嘅生物
不過佢就完全可以相安無事
佢話動物只有喺受到生命威脅嘅時候
先會選擇攻擊人類
長崎真砂弓仲有好多人生大道理
佢話“動物為咗生存有明確嘅目的
唔似人類會因為一己私利傷害其他人”
佢唔係孤寡老人！
最近幾年佢已經無靠打漁為生
每個禮拜都會去附近島上
摞親戚俾嘅錢買食物
無人島上有好多海龜
繁殖期嘅時候甚至乎成個海灘
都會佈滿海龜蛋
不過長崎真砂弓唔會傷害D蛋
佢哋相處得好和諧
佢話見到海龜出世
遊向大海的時候
會感嘆生命好神奇
不過為咗生存佢都係會打死蚊...
因為唔中意社會嘅金錢同宗教觀點
所以寧願自己生活
同大自然相處最舒服
就算人類世界有所改變
佢都唔想返去
只想喺島上獨居
其實咁樣嘅生活都幾正啊
而且老人家嘅願望
就係想一直喺島上生活
不過最近因為有人覺得佢身體虛弱
於是打電話報警
官方依家強制將佢帶咗去附近嘅島上安置
而且唔準佢再返去獨居
其實呢個結局對於老人家來講
好似都幾慘...
希望佢健康啦！
官方微信：可樂生活color(colorcolor818)
官方唯一商務合作QQ：1902182069