藝人李彩華（Rain）今日出席ViuTV的音樂節目《Chill Club》，以
深V黑色Bra Top配工人褲造型現身，曬出纖腰大Sell健康姓感。
受訪時她表示會演唱代表作《你唔愛我啦》及《愛一個人原來不易》，笑言一生人能有一首代表作便足夠：「之前喺隔籬臺都有唱過，相比起覺得呢到Close啲，又有Live Band，聽到我好想打鼓，最近都學緊。」
又打趣笑話自覺人愈大節奏感愈好、歌都唱得愈好，得到多人讚賞：「師傅都話我有料到，以前唱得太小朋友，打鼓都幾有天分。（會想出歌、出碟？）想出碟。（自資？）唔好啦！人哋出型啲，搵好歌都好難，想投放多啲資源落去搵歌。」
講到初戀男友林峰將大婚，Rain對記者提問大感錯愕，一度傻笑：「都係你哋講先知，恭喜佢！（知道佢同邊個結婚？）都係睇報道先知。（覺得佢同張馨月襯？）佢揀得就襯嘅，外人話唔到事。（你靚啲定佢靚啲？）哈哈，我唔答，你哋講啦！」另外，她透露明年中會補擺喜酒。
分享到:
閱讀更多 娛聞樂HK 的文章
