湯盈盈憶洲際酒店結婚，單立文想娶多個老婆！
湯盈盈及單立文（豹哥）在電視城拍攝《愛．回家之開心速遞》，劇情講到豹哥做model，要換4套衫，但他就保持神秘不肯劇透有甚麼造型，盈盈就笑言：“我梗系做佢fans，見到佢就流曬口水，佢著咩都咁型。”問到豹哥可接受到扮女人？盈盈即笑言接受不到，豹哥即笑言：“你接受到錢嘉樂即系咩都接受到。”盈盈笑言：“系喎，我老公都扮過女人。”
而講到日前是豹哥與太太胡蓓蔚結婚12週年紀念，問到怎樣慶祝？他笑言：“因為疫情影響，所以求其打咗佢幾下就算數。”隨即正經表示在家中食飯：“佢包咗啲雲吞畀我食，因為依家費事出街，我返工要負責任，同埋對劇入面同事負責任。”問到可有送禮？豹哥表示已沒有需要，結婚7年的盈盈笑言有時更不記得慶祝，她亦提到當年舉行婚禮的洲際酒店要拆，幸好有影相留念。
而講到豹哥在IG講“希望有機會再搞多一次”，他講笑謂：“有機會我想娶多個老婆，同新老婆搞多次婚禮。”隨即才謂：“因為當年婚禮大家玩得好開心，飲到醉曬唔捨得走，好多人話嗰陣唔識我冇去，所以就想搞多次。”他又笑言盈盈執到嘉樂算系咁，盈盈即作狀打他，十分搞笑。
分享到:
閱讀更多 娛樂三國 的文章
