由黃貫中(Paul)、單立文(豹哥)、夏韶聲(Danny)、恭碩良(Jun)及鄧建明(Joey Tang)聯合舉行的HK Band《搖滾大俠奏》演唱會6月7日於紅館舉行首場演出,搖滾五子Rock爆紅館!
組合中年資最淺的恭碩良在臺上感謝四位隊友,透露自己15歲時已跟著夏韶聲在伊館首次演出,從而開展了音樂生涯,10年後接到鄧建明電話,邀請他參與蘇永康的音樂會,2010年就與黃貫中同公司工作七年,直言黃貫中是Rock Star,無人能及,也是他令自己堅持音樂夢,黃貫中則笑指:「你咁講我會折㗎!」最搞笑就是講與單立文如何認識,他笑話:「單立文,我細細個就知,因為澳門有啲另類嘅戲院,過咗三十年後,有一日我喺街度撞到佢,同佢講覺得佢好熟面口,佢就話係咪見過我唱歌?我就話你係咪拍過嗰部咩咩團!」暗指單立文曾拍三級片,單立文就反駁謂:「我從影之後就創新咗個新職位,叫做床上武術指導!多謝我啦,係我創㗎! 」二人妙語連珠,十分搞笑!
五子輪流獨唱
演唱會上每個人也有獨唱環節,在獨唱時更放出小時候及年輕的照片,單立文就笑謂:「我今日要淪落到唱歌,因為我覺得自己把聲好難聽,所以我成日講粗口囉!」然後唱出《豈有此理》,未幾,另外四子輪流獨唱,包括鄧建明唱《一家一減你》,黃貫中唱《灰色軌跡》後,感觸的說:「好朋友,生日快樂,雖然仲有幾日,我哋永遠唔會忘記你,一切在心中! 」而6月10日正是歌手黃家駒的生忌。
五子互相調侃好爆笑
演唱會上有問答環節,單立文拿出一疊由粉絲寫的問題,他問黃貫中:「你鍾意你個女多啲定係老婆多啲?」黃貫中直言:「梗係我老婆啦!」又問他:「你鍾意Beyond定HKBAND多啲?」黃貫中又直言:「梗係Beyond啦,冇Beyond根本無我!」單立文又笑問夏韶聲:「你最鍾意邊段婚姻?」又整蠱恭碩良問:「 你鍾意過農曆年多啲定係林憶蓮?」恭碩良就冧爆表示:「我鍾意農曆年同林憶蓮過!」四位隊友也不放過單立文,笑問他:「 鍾意拍電視劇多啲定鍾意拍電影?」引來全場大笑!
葉世榮、豹嫂胡蓓蔚擔任嘉賓
演唱會上邀請了黃貫中在Beyond中的隊友葉世榮擔任嘉賓,五子與對方合唱兩首歌,久未在港露面的葉世榮則表示很開心見到香港觀眾。
單立文則邀請太太胡蓓蔚擔任嘉賓合唱一曲。單立文笑指:「人生最苦難就係同我老婆唱歌,大家好好Enjoy!」又對老婆大講冧說話:「我對住佢十幾廿年,真係一物治一物,我咁嘅人都有人鍾意我!」
悼念已故歌手
五子在演唱會上表達了對已去世的歌手深深的感受,單立文直言當年黃家駒意外離世,那一年他一聽到Beyond的歌就會哭,未幾就痛哭,黃貫中就在旁安慰:相信終有一日,大家都會再見面。然後眾人帶領觀眾一起向快將生忌的黃家駒講Happy Birthday。
之後,五子齊唱 《我們還有一樣的夢》時,螢幕上播出已故歌手的照片,包括黃家駒、羅文、梅豔芳及David Bowie。眾人合唱多首金曲《愛空間》、《每一句說話》、《童年時》後,再encore唱《你著幾號鞋》、《今日昨日》、《can't bring me down》及《長城》後,首場演唱會正式完結。
閱讀更多 有火VIVA 的文章