據港媒報道，新型冠狀病毒肺炎疫情嚴峻，內地入境人士須強制隔離檢疫14天，下月「登七」的薛家燕與年輕10多歲的男友A君相愛14年，依然愛的甜蜜，不過上週五2月14日，經常穿梭中、港兩地的港商A君，因為隔離令未能返港陪家燕姐共度情人節。當日家燕姐寄情工作，下午現身早前有確診患者病逝的黃埔花園，為新城電臺節目錄音，雖然身處險地，但男友不停傳送關懷及甜蜜短訊，「佢喺近上海嘅地方雪中送愛，跑咗出雪地，氣喘喘咁砌咗幾個雪堆，上面寫住Nancy baby！好感動！搵到真愛，人生何求！」
家燕姐展示大量口罩、消毒用品，防疫裝備十足，男友都唔使擔心
除咗雪中送「愛」，情人節禮物仲有一盒24個口罩、朱古力及無盡綿綿情話，由情人節凌晨開始肉麻字句無間斷送上，當中有：「如果世界只剩十分鐘，我會和你一同回憶我們每次的相聚；如果世界只剩三分鐘，我會一直深深吻你；如果世界只剩一分鐘，我會說聲我愛你！情人節快樂，願疫情早點過去，我們早日相見。」更附送有紅玫瑰及心心圖案。之後，又貼出大雪圖，並感慨說：「好大的雪，你在就好了，我們可以手牽手在雪花飛舞中漫步，多羅曼蒂克。情人節沒有你，只是個普通的2月14號。」直到傍晚，A君更忍不住衝出街砌心意雪堆！上面寫住「Nancy baby」。原來家燕姐喺男友視覺系baby，好sweet呀！家燕姐都有隔空傳情，拍片放上網回應：「以前過情人節收玫瑰花，會話：『哇！我從來未見過咁浪漫嘅男人！』家過情人節收口罩：『哇！我從來未見過咁細心嘅男人！』家燕姐好珍惜男友心意，「口罩好難買到呀！佢唔送花，因驚花會帶菌！」至於可有叮囑在內地的男友小心防疫？她卻說：「都理唔到咁多，佢咁大個人。」
消毒電梯 家燕姐宣揚扶手電梯安全訊息，要「握扶手」同「企定定」，家仲要加埋防疫版本。
注意清潔
入到電臺第一時間要用酒精搓手液搓手。
注意清潔 入到電臺第一時間要用酒精搓手液搓手。
Full gear上陣防疫
情人節當日，風騷家燕姐落新城電臺跟主持人範振鋒及DJ思敏錄音，落車後她拎出一張消毒溼紙巾，用嚟乘搭扶手電梯時，隔住去緊握扶手：「咁樣做，除咗幫到自己，仲幫埋其他人消毒！」入到電臺，她即用酒精搓手液搓手，仲要抹好枝咪，換上新咪套及噴上消毒酒精才安心除口罩錄音，好穩陣。
閱讀更多 港臺娛樂速遞 的文章
