日前賈思樂、陳煒、楊思琦、向海嵐、陳秀文及戚美珍等到九龍灣為賈思樂下星期的音樂會彩排，他們即場合唱《只有情永在》。
開騷日子在即，賈思樂心情非常興奮，但是勤於練歌的他有點聲沙：「因為太勤力，每朝都記歌詞，而家我熟曬喇，熟到燶呀。」他透露加入對談環節，邀得認識超過10年的好友陳法蓉、李司棋、陳敏兒及吳浣儀：「佢哋話會爆料，講啲冇人知嘅嘢。不過我估唔到系咩，因為我太多烏龍嘢啦，希望佢哋手下留情。
陳煒受訪時，被問到男朋友屆時會否到場支持？她說：「聽聞唔會啦，佢成日喺屋企聽我唱得多，同埋佢唔繫好想出席公開場合。」日前有報道指男友送她千萬基金，兩人更閃婚，陳煒聞言即說：「報道你都信？冇送亦冇一齊投資。大家唔繫好長時間，冇計劃（結婚）。」
而腹大便便的楊思琦，笑指平日練歌時腹中寶寶亦有反應：「覺得佢好似運動緊咁。」老公會否到場支持？她指老公很文靜，屆時未必會捧場。至於腹中寶寶性別及預產期，她繼續賣關子說：「遲啲話畀大家知，應該系鼠BB。」楊思琦表示會在香港生B，因為要照顧大女，又透露要為腹中寶寶準備禮物送給家姐。
分享到:
閱讀更多 娛樂研究中心 的文章
