最近夏季日劇陸續進入尾聲
今個夏天你追咗邊出？
秋季日劇喺10月份即將登場
最近已經慢慢有預告同宣傳出來
其中有村架純都有新劇
今次係繼NHK晨間日劇後
佢首度主演民放電視臺作品
《中學聖日記》
改變自同名日本漫畫
講嘅係女老師同國中學生嘅師生戀
劇情大概係講
終於如願以償做咗老師嘅
末永聖（有村架純）
喺任教期間遇見咗國3生
即係男主角黑巖晶
男主對女主一見鍾情
但係女主角其實有個異地戀嘅未婚夫
開拍消息開始之後
男學生嘅角色就一直備受關注
據聞足足進行咗一年嘅選角
最後係由完全無經驗嘅新人
今年只有19歲嘅新人岡田健史擔任
因為全新嘅面孔都令人期待值up
出身福岡嘅岡田健史
其實喺高中嘅時候就被事務所發掘
但當時佢只對棒球有興趣
所以無應承
但係事務所仲係持續拋出橄欖枝
足足五年之後今次佢終於應承
一出道就搭檔有村架純
簡直係絕佳嘅出道機會
未婚夫川合聖太郎由町田啟太飾演
勝太郎公司前輩原口律由吉田羊飾演
獨自扶養男主嘅單親媽媽
黑巖愛子由夏川結衣飾演
女主任教學校嘅訓導主任
鹽谷三千代由夏木麻裡飾演
女主常分享心事嘅小學老師
丹羽千鶴由友近飾演
黑巖愛子經營嘅雜貨進口販賣公司
部下上布茂由槙田雄司飾演
分享到:
閱讀更多 可樂生活color 的文章
