懷著第二胎的藝人#鍾嘉欣#由加拿大返港，下午在中環出席化妝品活動。@Linda鍾嘉欣 以白色低胸裙亮相，懷孕五個月的她腹部微微隆起，但身形、手腳依然保持纖瘦，面上更沒有出現浮腫，依舊十分省鏡！
鍾嘉欣透露今次隻身回港兩星期做她喜愛的工作，但也乖乖答應丈夫好好安胎，故沒有相約傳媒專訪，因為不希望把行程編排得密密麻麻。
已育有女兒Kelly的鍾嘉欣，被問到第二胎是兒子還是女兒？她說：“已經五個幾月，其實已經照咗，我冇問醫生，亦都叫醫生唔好講，希望保持驚喜，仔女都冇所謂。已經諗定仔女兩個名，到時順產就知道用邊個。（Kelly知道做家姐未？）一路都有灌輸緊，每日都叫佢‘BB錫錫’，佢依家愈嚟愈黐身，可能知道有少少威脅，不過Kelly都好乖。”
鍾嘉欣被問到今次獨自回港兩星期，可會不捨得女兒？她聞言立即眼泛淚光，並眼紅紅地說：“唔好講呢啲，第一次分開咁耐，以為自己OK，但系離開之後老爺奶奶話個女喺屋企搵我，啱啱先同佢視像通話。”鍾嘉欣又指佗第二胎感覺好輕鬆、好開心，覺得拿捏得到。她又再次強調是最後一胎，不會再生。
另外，鍾嘉欣又透露預產期會在秋天，但因怕被跟蹤，故不想透露實際日子，她又指結婚到懷孕時也不斷被爆料。講到有指鍾嘉欣老公爆出她懷有第二胎，鍾嘉欣作出否認。
提到好姊妹苟芸慧將結婚，問到會否做姊妹？她說：“要等佢確定咗日子先，如果今年就未必得，因為有第二個BB簡直系180度轉變，一個自己都照顧到，第二個就真繫有少少驚。”
分享到:
閱讀更多 港劇情懷 的文章
