《宮心計2深宮計》大結局啦
你有冇睇到先？
當晚劇中眾多演員
都有現身一齊收睇結局
幾位尚宮局美魔女s
播映前仲唱咗主題曲添
雖然套劇唔係個個都like
但話曬喺內地都有32億點擊率
小青姐就有意開拍第3季
更加點名大讚陳煒、馬明
希望有機會再一齊合作
煒哥就話小青姐未搵佢傾
相信真係要拍都需要時間籌備劇本
仲話希望新角色有感情線
最想同曾偉權再續情緣
因為今次喺劇入面太慘啦
馬明知道小青姐大讚自己
就話歸功於編審
作為演員睇到劇本都好感動
所以唔會好難演繹
一切全靠個劇本
一旁嘅黃心穎就話
開拍第3季自己會無份
事關劇中自己已經過咗身
但馬明就話第3季應該有全新故事
劇中角色三恕若芊好有迴響
問到兩人會否繼續拍住上
心穎：「佢唔想啦！」
馬明就表示睇公司安排
另一方面
胡定欣就話冇聽過有續集
但見到咁多觀眾支持
相信小青姐都要花好長時間
雕琢新劇本
馬仔就話原班人馬出演有難度
但有出續集嘅諗法佢都好開心
對於拍續集
觀眾又有咩反應呢？
有人話心悠娜姐功不可沒
有第3季一定要傾掂佢兩個
有人就話咪玩啦
平均年齡40松D
下集拍《宮心計3老友計》？
如果真係出第3季
有邊D演員你最想睇到呢？
分享到:
閱讀更多 可樂生活color 的文章
