真系廣東歌，陳奕迅抗疫騷唱呢首歌打氣！
8小時全球馬拉松抗疫慈善騷《One World: Together At Home》開始咗個半鍾，香港歌手陳奕迅（Eason）終於喺03：25出現，身穿淺色Tee戴帽嘅佢手持結他，喺演出前先用廣東話感激醫護人員嘅付出並呼籲齊心抗疫，跟住再用國語同埋英文講多次，照顧埋唔同人種認真細心，之後佢就自彈自唱用廣東話唱出《我甚麼都沒有》，全程維持高水準演出，最後佢仲對鏡頭握拳為眾人打氣，再用三種語言講多謝！
嚟到06：28，Eason再次出場，今次唔系彈結他而系改彈琴，佢仲話第一次咁樣自彈自唱所以好緊張，加上佢唔繫好識彈會盡力，想借呢首歌向大家分享愛，之後佢就唱出約翰連儂（John Lennon）嘅名曲《Love》，見佢都彈得好穩陣，睇嚟佢為咗呢個抗疫騷都練咗唔少時間。
分享到:
