最近娛樂圈嘅喜事都唔少
今日又增添一件啦！
年初公開咗懷孕喜訊嘅楊怡
今日終於卸貨
生咗個囡囡
小名叫做小珍珠
個頭港媒啱爆料
新手爸爸羅仲謙
就即刻發文同各位網友
一齊分享咗呢個喜訊
雖然比預產期早咗小小
不過好在母女平安
po感想嘅同時
羅仲謙仲曬出咗
一家三口嘅全家福
真係好Sweet~
附贈埋一張
爸爸同小珍珠嘅單獨合照
睇羅仲謙嘅表情
就知道幸福到不得了
隨後楊怡都po文
同大家同步咗呢個好消息
睇評論就知楊怡觀眾緣好
大家都紛紛送上祝福
睇翻先醒起
原來楊怡同羅仲謙結婚
已經係2016年嘅事了
當時呢段姐弟戀修成正果
大家都幾驚喜
而且結婚個陣
成日都有傳聞
話楊怡係有咗餡
不過當事人都否認
後來楊怡減少超多工作量
專心地積極地造人
年初都大方公佈咗
懷孕嘅喜訊
上個月仲喺微博
同大家分享咗
懷孕嘅靚靚寫真相
佢哋兩個都恨咗好耐
今次終於晉升父母角色
真係恭喜曬
嗱，喜事當然要一齊分享
據日媒爆料表示
北川景子都有咗啊
而且已經進入穩定期
預產期係今年秋天
北川景子老公係邊位？
係日本搖滾歌手DAIGO
佢都係前首相竹下登嘅外孫
當時佢哋結婚嘅時候都幾轟動
佢地都成日灑狗糧
新婚嘅時候佢仲話過
未習慣翻到屋企
居然可以見到北川景子本人
真人真係好靚
2012嘅時候
DAIGO飾演過超人奧特曼
而北川景子
大家都應該好熟悉啦
其實最佢最早出道嘅時候
居然演嘅係《美少女戰士》真人版
佢係演火野麗
順手考古多一張
宜家睇翻都幾獵奇……
網友就評論話
呢個bb犀利了
媽媽係美少女戰士
爸爸係超人！
最近喜事真係唔少
恭喜曬啊！
你有無咩喜事都同大家share下啦！
資料來源：微博
劇照
互聯網綜合整理
編輯：zhangxiaoli
*文中圖片如涉及侵權請聯繫，立即刪除
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方唯一商務合作QQ：19021820609
