我地一齊左三年，而我最近對段感情不抱期望，唔敢想像同佢有將來。
我地系同事，識左幾個月就一齊左，冇同同事講到。有次出街，行行下佢甩開左我只手。我以為佢發生左啲咩事，佢同我講見到個同事系面前行過，所以就甩開我只手。我當下唔知點反應好，佢又搞笑會講事實俾我知，所以扮冇乜所謂。佢一直俾我既感覺系，我唔見得光、唔擺得上臺面。
有次佢親戚有急事要借錢，個時我地一齊左幾個月，而我將準備為去旅行儲既錢借左俾佢，佢又應承我係旅行前俾返我。結果系無⋯點知都系要窮遊⋯仲要問人借錢去旅行。之後佢一時時都會向我借錢，我唔鐘意開口叫追加還錢，足足拖左成年先清哂⋯但佢依然月月清、無儲錢。
同佢過拍拖後既第一個生日，佢無計劃去邊、無禮物。其實我唔需要咩好貴重既禮物，佢寫封生日卡、食餐飯都夠。我介意系覺得佢唔重視我，連去邊都無計劃到。我嬲到系返左屋企，而我同佢講我累了要返屋企，佢又信。之後，我竟然買左份禮物俾自己同佢，仲出返去搵佢送俾佢。佢生日既時候，繫有開聲同我講，想要份禮物，而我都買左佢想要既野。到第二年，佢有諗到去邊過生日，到我收到佢份禮物，我即刻喊出黎，唔知點解，覺得好心酸。最近生日，我想去既地方有啲高消費，所以入場費我俾，佢負責餐飲。
有次身體出現問題，要做個小手術。其間，檢查都系自己去，因為佢要返工。到做個日，我都系要自己先到醫院，就到做手術前，佢先趕到醫院，因為個日佢都系要返工，無請到假陪我。我個段時間既心情好複雜好驚，見到其他人都有人陪，而我乜都系自己做，辦理入院手續呀、檢查呀⋯
（因為只系做個小手術，所以無同屋企人講）
屋企人可能比較傳統，佢地覺得要入屋叫人、拜訪要帶禮物⋯平時得閒同過時過節，佢上黎都系兩手空空，連中秋月餅、新年拜年禮盒都冇。有時一齊出外食飯，都會私下夾佢俾錢扮請食飯，我之後俾返錢佢（一時AA制，一時我請）。有時都好想同佢去下新地方玩、試新野食、去旅行。但佢反應次次都系哦，得閒呀。我係每次都好嬲，佢系hea我，唔想去可以出聲，我可以搵其他人陪架。我覺得佢只系中意佢自己，唔在乎我。
我有朋友覺得咁樣好似委屈我自己，我亦都同佢講過。而佢覺得佢一有時間就會黎陪我，連打機都唔打，叫佢出黎陪我都會出，佢家庭聚會又會叫埋我去，點會淨系中意自己呢？ 。
佢將佢最寶貴既時間都俾哂我，我係咪好唔知足呢？但要走落去⋯我唔知。
要分還是不分呢？如果真系我問題，有無人可以教下我點做？
如果你有心事，歡迎私信留言
珍惜緣份發洩完依然要做個理智男/女友啊
關注下我啦~
閱讀更多 粵難粵愛I心事臺 的文章
