港嘅電視觀眾，追完日劇，煲韓劇，o依家仲連內地劇集都超受歡迎，好似無線播緊孫儷主演嘅《那年花開月正圓》，呢套劇揼本製作、演員又個個有戲，好有睇頭！
我國有十三億人口龐大市場，一套收得嘅劇集，利潤真系不得了，難怪有收視保證嘅演員，劇酬嚇嚇叫到幾千萬人仔咁高，仲依然有價有市噃。譬如，最近內地一位幕後製作人、「影視聯合會」首席執行官董大魏，就喺社交平臺大爆當今內地當紅女星嘅劇酬身價，榜上頭十一位女星，拍一部劇起碼都收八千萬人仔（約一億港元），認真犀利！
相信香港人對佢的都唔太陌生，頭一、二、三位，分別系楊冪、孫儷、同埋范冰冰，之後依次序為：章子怡、白百何、楊穎、湯唯、趙麗穎、迪麗熱巴、鄭爽以及周冬雨，值得一提嘅系，呢個幕後人仲點名激贊，去年擔正《楚喬傳》而人氣爆曬燈嘅趙麗穎，爆佢閒閒的拍一日就袋五百萬人仔，啲錢真繫好易賺！難怪，啲港星個個都撲返內地抓銀喇！
呢位影視聯合會嘅首席執行官，特別畀咗個手指公贊趙麗穎勁，皆因趙麗穎嘅一日片酬就高達五百萬。
喺社交平臺上面，佢大爆五千萬片酬以上嘅各一線女星身價。
楊冪拍一套劇叫價八千萬人民幣以上，更加位列女星身價嘅榜首。
《那年花開月正圓》嘅女主角孫儷，被封為內地嘅電視劇女王。
身價不菲嘅范冰冰，身兼劇集製作人，收入更加和味。
內地電視劇火紅，連國際影星章子怡都首拍劇集《帝凰業》。
雖然Angelababy楊穎叫價高，但就經常被指演技不成正比。
去年，趙麗穎憑《楚喬傳》身價再飆升，佢嘅劇酬一套就收八千萬人民幣。
分享到:
閱讀更多 獨孤殺豬 的文章
